Daily Newspaper

SSR case: Rhea leh a unaupa ED-in an ko nawn

45

Enforcement Directorate (ED) chuan Bollywood star boral ta Sushant Singh Rajput sum leh pai chet vel dan an chhui zui zel a, kar khat chhung mi chi hrang hrang thu an zawhfiah hnuah ED chuan SSR ngaihzawng thihsan tak Rhea Chakraborty leh a unaupa Showik Chakraborty leh Indrajit Chakraborty te chu thu zawhfiah nawn turin an ko leh ta a ni.

Kar kalta khan ED-in Rhea hi darkar riat zet thu an lo zawtfiah tawh a, Rhea unaupa Showik pawh darkar 18 vel zet thu an zawtfiah tawh bawk. Showik hian Mumbai-a ED office hi Inrinni chhun dar 12 velah a thleng a, Pathianni tuk zingah dar 6:30 thleng ED office-ah hian thu an lo zawt fiah a ni.

SSR case hi CBI-in an lak tak hnuah Chakraborty chhungkua hi an FIR-ah an tarlan hmasak ber an ni a, Chakraborty chhungkua bakah SSR manager hlui Shruti Modi leh SSR flatmate Siddharth Pitani te pawh FIR-ah hian an hming tarlan tel a ni. Report thenkhata a lan dan chuan Chakraborty chhung leh Pitani te hi sum leh pai chungchangah thuzawh fiah tur a la tam a, a chhan chu anni hi SSR sum leh pai enkawltu leh vaivir veltu an ni tlat a ni. Hei bakah hian Sushant leh Rhea leh Showik ten company an din ho pawh chu chhui chian tur zinga telh a ni.

Hei bakah hian Rhea leh Sushant te inngaihzawn hnuah Chakraborty chhungkaw sum hrawm hi a na thar thut mai a, hei pawh hi chhui chian tur zingah a tel niin report a awm a, thuneitu ten Rhea leh a pa leh a unaupa te phone inbiakna record te neih tumin hma an la mek bawk a ni.

Sushant Singh Rajput hi June ni 14 khan Bandra, Mumbai-a a chennaa a mut pindanah inawkhluma hmuh a ni a, a thihnaah hian midang kut tuara thi a nih theihna awm hnuhma an hmu lo a, police ten a tihchhanah pawh mahni intihlum an ti a ni. He thihna hi fans leh chhungkaw lamin chhui an ngiat anga an han chhui takah chuan thil hnawk a lo tam hle tih a lang chhuak ta zel mai a ni.

THE AIZAWL POST – Thalaite Huang

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy