Daily Newspaper

SSR case: Vawiin-ah Deepika Padukone NCB hmaah inlan dawn; Rhea bail dilna Sept. 29-ah ngaihtuah dawn

13

Sushant Singh Rajput thihna case kal zelah ruihhlo a inhnamhnawihna nei Narcotics Control Bureau (NCB)-in an hai chhuah Bollywood star te chu NCB hmaah an inlan ta tak tak a, vawiin hian Deepika Padukone pawh NCB hmaah hian a inlan dawn a, hetihrual hial he case a kaikuang ni ta ber Rhea Chakraborty bail dilna chu Bombay High Court-in a la ngaih ta lo a, September ni 29-ah a ngaihtuah dawn chauh a ni.

Rhea leh a unaupa Showik Chakraborty te chu NCB-in September ni 9 khan an man tawh a, September ni 23 thleng judicial custody-a awm tura an tih hnuah, October ni 6 thlengin an pawt sei a, hetihlai hian bail an dilna chu niminpiah a ngaihtuah tur kha a ni tawh a, mahse, Mumbai-a ruah sur nasa avangin high court chawlh an puang a, niminah ngaihtuah tura dah niin, mahse, hei hi September ni 29-ah an sawn leh ta a ni.

Nimin khan NCB hmaah Bollywood star Rakul Preet bakah Deepika Padukone manager Karishma Prakash te chu an inlan a, Deepika Padukone pawh hi September ni 25-a NCB hmaa inlan tura puan a ni tawh nain, September ni 26-a inlan turin an ti leh ta zawk a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy