Daily Newspaper

Stamford Bridge-ah Liverpool

11

Vawiin tlai dar 5:00 atangin English Premier League khelh chhunzawm a ni leh dawn a. Kartawp nghah thlen manah inkhel hmuhnawm tak tak a awm leh dawn e. Zanin hian inkhel pali a awm ang dawn a, United leh Arsenal inlan tur chu inkhel ngaihven hlawh a ni ang a. Kar tawpa inkhel ngaihven hlawh ber tur chu Stamford Brodge-ah champion lai Liverpool an lenglut tur hi a ni ang.

Lampard vs Klopp
Nipui bazar inhawng mekah EPl club lian zinga chetha leh sum hmang hnem ber chu Chelsea an ni a, player thar lei nan £200m zet an seng tawh. Player thar tha tak tak an lak luh vangin an phur thar a, Liverpool kawl lai EPL trophy chhuahsak theih an inbeisei hial.
Player lei nana sum seng hnem Chelsea chet dan hi EPL club lian zinga sum seng tlem ber ni ber Liverpool manager Jurgen Klopp chuan tul sawisel in, sum sen vak vak chu atthlak a tih thu a sawi chhuak. Klopp-a thusawi hian Blues manager Lampard a tilawm lo hle a, social media-ah tawngkam fei kibarin an inkhawh tawn. Manager inei lo, boruak nei hat an nih vangin Stamford Bridge-a an inkhel tur hian ngaihven a hlawh leh zual hle a, inkhel nep tak a ni thei dawn lo hrim hrim mai.

An hnuhma
Team lian pahnihte Reds leh Blues te hian season thara an match hmasa berah hnehna an chang ve ve. Reds hian an mualah kai thar Leeds United an hma chhawn a, harsa taka hnehna an chang hram a, penalty vawihnih an hmuh chhawr tangkaiin 4-3 in hnehna an chang hram. Chak tho mahse Van Dijk a chesual nasa a, goal thum ngawt an chhuah vangin an lawm a kim lova, khel tha tia sawi tur pawh an ni lo.

Chelsea hian 3-1 in Brighton an hmachhawn ve thung a, 3-1 in hnehna an chang. Brghton an hmachhawn tum hian an player thar Timo Werner a khel tha a, goal thun lo mahse penalty a hlawh-chhuak in lehlam an nawr nat phah hle bawk. Hei hian Chelsea tantute a ti phur a, an player thar Kai Havertz erawh chuan beisei an la phak chiah lo thung.

Chelsea player thar Hakim Ziyech chu hliam vangin chhawr theih a la ni dawn lova, Christian Pulisic a la inlan thei dawn lo bawk. An player thar leh an player hlawh hnem ber thar ni bawk Ben Chilwell a inlan thei dawn em tih a chiang lo va, PSG atang an lak luh defender tawnhriat ngah Thiago Silva chu chhawr theih a ni tawh thung ang.

Liverpool player zingah Alex Oxlade-Chamberlain chu hliam vanga inlan thei lo tur langsar a ni. Covid 19 a vei vanga chawl zawk an player thar Kostas Tsimikas chuan training a hmachhawn leh thei tawh a. Xherdan Shaqiri pawhin training a hmachhawn ve leh tawh bawk. An player thar Thiago Alcantara chhawr nan a la hma deuhin a rinawm a, a hmel kan hmuh a rihawm loh.

Liverpool leh Chelsea te hi vawi 186 an lo inhmachhawn tawh a, Reds hi vawi 81 an chak a, tlawm zawkah vawi 41 tangin, vawi 64 an inhnehtawk tawh a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy