Starlink-in Myanmar scam compound-a an service titawp

Starlink-in Myanmar scam compound-a an service titawp
Elon Musk-a SpaceX chuan Myanmar-a scam compound-a device 2,500 chuanga Starlink satellite thlunzawm chu an titawp vek tawh tih an sawi.
Thai-Myanmar ramriah hian hetiang hmun hi 30 chuang a awm nia hriat niin hetah hian mihringa sumdawnna tuartute dah khawm an ni a, phal loh thil tia chhawr luih niin kum tin dollar tluklehdingawn tel sum siam chhuah thin a ni.
Starlink business operations hotu, Lauren Dreyer chuan an firm hian an dan pela thil thleng an hriat ngai loh tak an hriat tharah hma an la nghal tih a sawi.
Thawhtanni khan phal loh thil tihna hmun lian ber pakhat, KK Park an tih chu Myanmar sipaiten Thawhtannia an luhchhuah a, kum hnih liam taa hel pawl laka an hmuh hloh tawh an la let nghal a, hemi hnuah hian Starlink chuan an service an lo hman hi an titawp a ni.
Mihringa sumdawnna dodaltu tam tak chuan Starlink hi Chinese crime syndicate (mi sual pawl) tam takin ramria hmun kilkhawr tak takah an hmang nasa tih an lo sawi tawh thin.
Myanmar hi hetiang phal loh tihna hmun lian ber ni tan mek zel a, a tuartute hi mipat hmeichhiatna rawngkaia hralh an ni nasa a, investment scheme tihna hmun atan an hmang nasa hle bawk.
Thawktute hi rim taka hna thawhtir an ni a, hren belh niin danin a phal loh ti tura nawr luih an ni thin.
Heng hmun atanga chhuakte chuan dinhmun hrehawm takah an awm a, an tihtir tum an hlen chhuah hma chuan darkar tam tak sawisak leh tihduhdah an tuar thin tih an sawi a. Heng zinga a tam ber hi African rama mi an ni.
“Myanmar-ah SpaceX chuan Starlink Kit 2,500 chuang, ‘scam center’ huam chhunga awm chu a titawp a ni,” tiin Dreyer-i hian X-ah a tar lang.
“Kan service hi pawh phak lote pawh nan leh thil tha lo tih nana hmangte vena hai chhuahna kawngah tha leh khawvel puma rintlak nih reng kan tum a ni,” a ti bawk.
Thawhtanni khan Myanmar-a sipaite chuan KK Park hi an thian fai vek niin an sawi a, thawktu mi 2,000 chuang chhuahin Starlink terminal 30 an hai chhuak tih an sawi.
Thlalak thehdarhah chuan compound chhunga in chungah satellite dish hmuh tur tam tak a awm a, thawktuten kea KK Park an chhuahsan lai pawh a lang.
Hetih lai hian ramriah hian scam compound 30 vel la awma ngaih niin thawktu sang tel an la awm a. Hmun tam tak hi sipaite nena thawk helten an veng a, heng hmuna Starlink service an hman hi a tawp ve em tih erawh hriat a ni lo.
Heng centre-te hi Myanmar-in tual chhung indona a tawh mek laia an eibar hmuhna lian tak a ni tel a, sipai leh anmahni duh lotu hel pawlte inbeihnaah sipaite hian Chinese thlawpna dawng reng chungin sum siam nan an hmang ve tho bawk a ni.