Aam Aadmi Party convener, Delhi chief minister Arvind Kejriwal chuan Mizoram State Day vawi 36-na denchhenin state mipui duhsakna chibai a buk tih a sawi.
AAP Mizoram kaltlanga thuchah a siamah Arvind Kejriwal chuan Mizote chu culture danglam tak nei an ni, tiin, hun lo awm
zel tura hmasawnna nasa zawk leh dinhmun sang zawk luah turin duhsakna a hlan tih a sawi.
AAP Mizoram chuan he statehood denchhen hian Mizoram mipui chibai bukin, kum 37-a upa state ni tawh chunga thil engah mah kan la intodelh thei lo chu pawi a ti hle tih a sawi. ‘Mihring kum chhiara kum 37 chu mahnia intodelh leh eizawnna mumal tak nei tawh tura ngaih a nih laiin, kan ram ve thung chu chawmhlawm leh kutdawh ringawt rilru pua ram hruaituten min kalpui hi a lungchhiatthlak hle,’ a ti.
Inthlan awm turah mipuiin Pathian rawn chunga ram hmasawnna thlen thei ngei tur leh ram eichhetu corruption do tlattu, ‘Mi Naran Pawl’ chu thlawp turin Mizoram mipui an sawm tih a sawi bawk.
State Day-ah chibai buk
