Om Prakash Mathur chu Sikkim governor thar atana ruat niin Rajasthan-a BJP veteran leader niin state president leh Rajya Sabha MP pawh lo ni tawh a ni.
Kum 72-a upa Bali, Rajasthan-a Pali district chhuak hi a hmain BJP ideologue parent Rashtriya Swayamsevak Sangah pracharak pawh lo ni tawh a ni bawk a.
Politics lamah chuan Vice President hlui leh BJP leader Bhairon Singh Shekhawat kaihhruai a ni a. Gujarat in-charge general secretary pawh lo ni tawh a ni bawk.
Mathur hi organisational leh strategist tia sawi niin nikuma Chhattisgarh a BJP te sorkar theihna chhan bera ngaih a ni. Rajasthan CM ni tura ngaih a nih laiin Bhajanlal Sharma an thlang ta zawk a ni.
Sikkim governor thin Lakshman Prasad Acharya chu Assam governor atana ruat niin Manipur a hmui tel dawn bawk.
Assam governor Gulab Chand Kataria chu Punjab governor ni tura ruat niin Union Territory of Chandigarh administrator a ni bawk ang.
Rajasthan governor atan Haribhau Kisanrao Bagde ruat a ni a, Telangana governor atan Jishnu Dev Varma ruat niin Jharkhand governor atan Santosh Kumar Gangwar ruat a ni thun a. Raman Deka chu Chhattisgarh governor atan leh CH Vijayashankar chu Meghalaya governor atan ruat an ni bawk. Jharkhand governor CP Radhakrishnan chu Maharashtrsa governor atana ruat a ni.
State governor te siksawi kual
