Daily Newspaper

State hrang hrangah farm bill duhlohna ‘Bharat Band’ nei

16

India ram state hrang hranga loneitu insuih khawm pawl te chuan nimin khan kar kaltaa Parliament in farm bill a pawm tak te duh lohna lantir nana ‘Bharat Band’ huaihawt chu an thlawp tha hle a. Loneitu pawl te chuan sorkar chuan an lungawilohna te ngaithlaa a siamtha lo a nih chuan nasa zawka lungawilohna an lantir zel tur thu an sawi bawk.

Heng loneitu lungawi lote hi opposition pary hrang hrang Congress, DMK, AAP leh RJD te bakah Trinamool Congress leh central trade union 10 velin an thlawp bawk.

Sorkar chuan Opposition tena ‘democracy thahna’ tia an sawi phahna sorkarin bill a pawm luih tak te hmangin loneitute chuan an thil thar chhuah te chu an duh ang market-ah a man an chhiar zahin an hralh thei tawh dawn a ni an ti thung a. Loneitute erawh chuan price support system (MSP) hloh leh private players te inrawlh theihna chu an duh lo thung.

Bihar-a lungawilohna lantirnaah chuan opposition leader Tejashwi Yadav chu farm bill duhlohna lantirna neiha tractor rally ah a tel a. RJD chief hian tractor pawl chu Patna main road-ah khalhin loneitu sang tam tak ten an zui a ni.

Punjab state-ah chuan farmer’s group 31 ten ‘shutdown’ puangin Bharatiya Kisan Union (BKU) hmangin hmalakna an kalpui a. Chief Minister Amarinder Singh chuan an sorkar chuan loneitute hi a thlawp tlat thu sawiin mi pali bak punkhawm phal loh tih mek laiah pawh an lakah FIR ziahluh a nih loh tur thu a sawi nghal bawk.

Pubjab-Haryana inrina chu Ambala-ah khar zui nghal niin hei hi state pahnih inpawhna pui ber a ni a. Hei bakah hian police barricade NH-1 tell plaza, Ludhiana ah siam niin Chandigarh pawh hight alert a dah a ni bawk.

Farmers group te hian Fardikot-Kotkapura highway ah lungawilohna lantirin hei bakah hian Delhi-Meerut highway chu an dangchat bawk.

Ningani atang khan loneitute chuan rel kawng ni thum chhung dan chah hna kalpui bawkin rel kawngah an thu hlawm bawk.

Congress leader Priyanka Gandhi Vadra chuan MSP chu loneitute chhuhsak tum a nih thu a sawi a, “Loneitute hi contract farming trillion tel hmangin salah siam an ni dawn. Loneitute hian a man emaw zahawmna an nei lovang a. Anmahni ram ngeiah laborer an ni ang a, hetiang thil dik lo hi a thlen kan remti lo,” tiin a sawi.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy