State pasarihin same-sex marriage pawm lo

Centre chuan Supreme Court hnenah State pasarih lai chuan dan anga same-sex marriage chu pawm an duh loh thu an sawi a, hei vang hian ‘nasa leh zau zawka sawihona neih a ngai’ tiin a sawi.
Constitution Bench Chief Justice of India D.Y. Chandrachud kaihhruai hmaah Solicitor General Tushar Mehta, Centre aiawha ding chuan Rajasthan chuan same-sex marriage legal status pek chu an duh lo va, Uttar Pradesh, Maharashtra, Andhra Pradesh, Assam, Manipur leh Sikkim te chuan sawihona zau zawka neih loh chuan chhanna an siam thei lo an ti bawk a ti.
Centre chuan States leh Union Territory tinah te same-sex marriage chungchanga an ngaihdan a zawt a, pasarihin chhanna an pe a ni.
Same-sex relationship chu ‘inneihna pawh tling lo’ ang leka pawmna pawh a dik dawn chuang lo, tiin Mehta chuan a sawi a.
“In thlirna ang atanga thil awm thei tur anga rinna neihah judicial declaration hmangin inneihna ang chiah ni lo mahse tuna neih ang inkawpte dinhmun aia tha si a pek tumna a awm thei a, chu pawh chu chet dan dik a ni dawn chuang lo” tiin Mehta chuan a sawi.
Bench chuan a hmain sawihona neihah same-sex couple tena inzawmna ngelgnhet an neih theihna tur chungchang a sawi a. Chung zingah chuan ‘civil unions’ pawh sawi lang telin judge te chuan inneih a rem chiah lo a nih pawhin legal framework siamin same sex couple te chu ‘inkawp’ ang tala pawmna neih theih tur awm angin a sawi a. Court chuan hun rei tak cheng dun tawhte chu innei anga ngaih theih an ni, a ti bawk.
Mehta chuan Supreme Court-in judicial delcaration a siam a nih chuan Article 141 of the Constitution hnuaiah ‘binding law’ a ni a ti a. Constitution Becnh-in same sex marriage chungchangah judgment a siama legal status aia hniam deuh si ang pawh ni se chu chu ram puma kalpui ngai a ni, a ti bawk a.
Chutianga thil a kal a nih chuan mi pangngai te ‘an rinna’ emaw ‘chhia leh tha hriatna’ in a pawm theih loh te chu court thuzah lo tiin fawmkhawm theihna a sang hle dawn a ni, a ti bawk a.
Chhang urtuin same sex union tan cake siam duh lo se, puithiamin inneihtir emaw duh lo se chung mi te chu Supreme Court judgment pawisa lo tiin man an ngai dawn a ni, tiin Mehta chuan a sawi bawk a.
Solicitor General chuan Parliament ang lo takin court chuan a judicial declaration te zawmlohna a hmu thei dawn lo a ti bawk a. “Judicial declaration fallout awm chu inlailangin kawng hrang hrangin a inpholang thei a. Court chuan chung te chu a hmu lawk emaw ngaihtuah vek thei dawn lo” tiin Mehta chuan a sawi bawk a. Hei vang hian chung thil a thlen loh nan chuan legislature chuan regulation leh rules te a siam a ngai a ni a ti bawk.
Justice S. Ravindra Bhat, Bench a thu chuan ‘declaration’ chu ‘hei hi tihtur tihloh tur’ tia kalpui kher a nih a ngai lem lo a ti a. Constitutional cour tin ‘state of affairs a pawmpui’ ang lek pawh kalpui theih a ni a ti a.
Senior advocate A.M. Singhvi chuan sorkar dinna chu ‘majoritarianism inlulinna’ tia sawiin court chu tlawm lo turin a ngen thung a.
Judge te chu legislature te ang lo takin majoritarianism in a tihbuai tur a ni lo a ti a. Majoriatairn notions chu ‘inluling leh dictatorial a ni fo’ tiin a sawi bawk.