Daily Newspaper

State ten 15 October hnuah school hawng thei tawh

14

Ministry of Home Affairs (MHA) chuan guidelines thar tichhuakin nimin atangin cinema hall, entertainment park leh infiammite tan swimming pool hawn a rem ti tawh a, States te chu October 15 atanga school an hawn duh chuan an thuneihnaah a dah bawk a. Higher education institution science leh technology stream, research scholar leh post graduate students tena laboratory hman an mamawhnaah chuan October 15 atangin hawn a remti bawk.

He guidelines te hi nimin October 1 atanga hman tan nghal niin activity hrang hranga khuahkhirhna ‘international air travel’ tih chauh loh chu a titawp vek a ni. Tun dinhmunah international flight tlem tak air bubble scheme hnuaiah leh sorkar in a kalpui Vande Bharat Mission te chauh remtih a ni.

Heng guidelines te hi Disaster Management Act 2005 hmanga siam niin passenger train leh domestic flight te chu standard operating procedure (SOP) hmanga kalpui rihtur a ni bawk a. Tun dinhmunah special passenger train 310 a tlan mek a, October 31 thlengin lockdown chu containment zone-ah la kalpui tur a ni bawk.

MHA chuan social distancing kalpui turin States te chuan Section 144 of the CrPC (mi pali aia tam punkhawm phallohna) an hman theih thu a sawi bawk.

India ramah Covid-19 pandemic avanga lockdown hmasa ber chu March 24 khan kalpui a ni a. Tun hnai thlasarih chhungin nasa taka thlahdul tawh niin economic activity tam tak kalpui remtih tawh a ni bawk. Covid-19 kai mi 62 lakh an chuang tawh a, nunna chan 98,000 chuang an awm tawh bawk.

“Cinema, theatre, multiples te seating capacity 50% luahkhah chauhin hawn theih a ni ang,” tiin MHA thuchhuak chuan a tarlang.

Eng punkhawmnaah pawh mi 100 aia tam punkhawm phal loh tih chu hlih a ni a, hei hian sakhua leh politics thila punkhawm pawh a huam vek a ni. Mahse, hmun phuiah hall angah te chuan hall a leng atanga 50% bak phalloh niin mi 200 aia tam punkhawm remtih loh a ni thung.

“Hmaikawr, social distancing, thermnal scanning hman leh kut sil leh sanitiser hmang te chu tihmakmawh a ni” tiin guidelines chuan a sawi a, States te chuan standard operating procedure (SOP) an tichhuak thei bawk.

School hawn chungchangah 15 Ocotber hnuah State ten hawn an duh a nih chuan a tahtawlin an kalpui thei dawn a. Mahse, thutlukna siam hmain school te nen inbiak rawn tlanna neih tur a ni bawk a. Zirlai in school a kal lova online hmanga tel a duh zawk chuan phalna pek tur a ni bawk.

“Zirlaite chuan nu leh pa remtihna tel ngeiin school an kal tur a ni a. Attendance tihmakmawha ngaih tur a ni lo va, nu leh pa remtihna liau liaua kalpui tur a ni” tiin MHA chuan a tarlang bawk.

Department of Higher Education, Ministry of Education te chuan college leh zirna In sang te hawn hun tur chu MHA nena inberawnin thutlukna an siam dawn bawk a ni.

MHA chuan containment zone a nih ngawt loh chuan State te chuan State, district, sub-division, city leh thingtlang khuaah Central sorkar phalna la lovin local lockdown puan a remti lo bawk.

Inter-State leh intra-State a inkalpawh leh bungrua phurhah khuahkhirhna a awm lo va, heng atan hian permission hrang emaw e-permit emaw neih a ngai lo, tiin MHA chuan a tarlang bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy