Budget Session neih zawh takah khan higher & technical education minister Dr Vanlalthlana’n Lungleia Mizoram State University dahna turin cabinet meeting number a awm lo tih a sawi.
Mamit bialtu H Lalzirliana’n Lungleia Mizoram State University din tuin cabinet approval a awm em tih a zawt a, “Awm e,” tiin minister hian a chhang. Cabinet meeting number leh a ni a zawhna chu, cabinet meeting number a awm loh thuin a chhang.
“Cabinet meeting number hi a awm hran lo a, Ni 17.11.2025-a council of ministers meeting chuan dan anga Lungleia Mizoram State University dah a nih theih nan Dr. Vanlalthlana, minister, higher & technical education department chu hma la turin a ti a. A tul angte tihfel a nih hnuah cabinet approval hi by circulation-in ni 12.02.2026 khan neih a ni,” tiin a chhang a ni.
Serlui bialtu Lalrinsanga Ralte zawhna chhangin minister hian Mizoram State University Eastern Campus, Champhai leh Western Campus, Mamit tea dah tumna a awm rih loh thu a sawi bawk.
State University atan cabinet meeting number awm lo
