Justin Bieber-a nupui Hailey Bieber-i pa, Stephen Baldwin chuan Instagram-ah a makpa leh a fanu te chu tawngtai pui thin turin Kristian-te a sawmna thu a post a, “Kristiante u, Justin leh Hailey ten finna, venhimna leh Lalpa an hnaih lehzual theih nan khawngaih takin intawngtainaah te lo hre ve thin rawh u. Mi langsar te hian chona tam tak an hmachhawn a tul thin si a,” a ti.
Stephen Baldwin hian a makpa te nupa tawngtai pui tura kristiante a sawmna chhan hi a sawi chiang chuang lo a, Justin Bieber-a’n guitar perh chungin “I Could Sing of Your Love Forever” hla a sak lai reel a repost bawk a ni.
Justin, kum 29, hi 2022 atang khan a thawm a reh deuh viau mai a, Ramsay Hunt Syndrome a neih avangin Justin World Tour neih a tum pawh a thulh kha a ni a, he nerve lam natna avang hian a buai ve hle a ni.
Stephen Baldwin-a’n a makpa JB leh a fanu HB te \awng\ai pui turin Kristian-te a sawm
