Daily Newspaper

Stroke pumpelh nan i ha enkawl tha rawh

84

Mithiam ten zirchianna an neih hnuah ha leh ka chhung enkawl that a, dentist rawn fo hian thluaka thisenzam chat/block (stroke) risk a tihniam thei niin an sawi tlat mai.

Taipei Veterans General Hospital, Taiwan-a mithiam ten zirchianna hi neiin, ha fai tha taka enkawl hian atrial fibrillation (lungphu mumallo) awm tur a veng thei a, atrial fibrillation chu stroke risk tisangtu pakhat niin an sawi.

Kum khatah dental scaling (ha tihfai) vawi khat tih mai pawhin stroke risk tihniam turin a tha zawngin nghawng a nei niin an sawi. Atrial fibrillation nei te chu an lungphu a nih tur aiin a rang emaw a muang emaw ta thin a, chu chuan blood clots te tak te te siamin, chung chu thluak lamah an kal a, stroke kan lo neih theih phah ta thin.

Zirchianna hi volunteer mi 29,000, lung that lohna an neih hriat loh te zingah neih a ni a, questionaire te chhan tirin, dental scaling ti tura dentist an pan ngun dan te pawh an zawt chhuak vek. Chumi hnuah volunteer-te chu kum 5 chhung an chhui zui leh a, an zingah tu ten nge atrial fibrillation tih te an en leh a, chuta tanga an hmuh danin kum khatah dental scaling leh polish vawi khat tal ti thin te chuan a let thumin a ti ve ngai lo te aiin atrial fibrillation neihna chance an nei hniam zawk tih an hmuchhuak ta a, ha chu an tifai ngun zawh poh leh a tha ting a ni mai.

British Dental Health Foundation chief executive Dr Nigel Carter pawhin he zirchianna hian dentist pan fo a pawimawh zia a tilang niin a sawi a, ha tihfai leh enkawl that hian atrial fibrillation risk a tihniam a, atrial fibrillation chu stoke thlentu langsar ber te zinga pakhat a ni,” a ti.

He zirchianna chungchang hi International Journal of Cardiology-ah tihchhuah a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy