ICFAI University, Mizorama Management & Information Technology department zirlai Industrial Study Tour-a kal turte chuan Thawhtanni khan Aizawl an chhuahsan a. MJA Gen. Hqrs. president C Lalrambuatsaiha’n a thlahliam.
MJA president chuan zirlaite chu hnamdang zingah hun engemawti chhung an khawsak dawn avangin Kristian nula tlangval an nih angin mawi taka awm a, Isua Krista ringtu ni awm renga khawsa turin a fuih.
Zirlaite chu an kalna apiangah hriat belh neih tum tura chahin, “Intelligent mind, intelligent eye nei ula. Industry hrang hrang in tlawhnaah zir chhuah neih ngei in tum tur a ni. Zawhna ngah ula, zawhna in ngah poh leh in hriatna a pung ang. Mizoram tan thil tha rawn puakchhuah tum ula, lehkhathiam kan nihna hi chhawr tlak a nih theihna’n inzir chhuah tum ang che u,” a ti.
ICFAI University Management & Information Technology department zirlai Industrial Study Tour-a kalte hi 25 an ni a, zirtirtu pahnihin an hruai a, March 5-ah Mizoramah an rawn let ang. An zin chhungin Blueberry Amul industry, Vantage Circle, Assam Startup – The Nest leh NEDFI hmunte tlawhin an zirchiang dawn a ni.
Study Tour nei tur zirlaite thlah
