YMA Sub Hqrs Serchhip chuan an huamchhung ami, fa nei tam te an chawimawi.
Thawhlehni khan YMA Sub Hqrs Serchhip hian Serchhipah rorel inkhawm an nei a. An thurel zingah raltlante khuahkhirha enkawl nise an duh tih an sawi. Serchhip district tan Mizoram Youth Commission Coaching Centre nei tura hma lak an rel a, IAS Cadre Allocation Policy 2019 AGMUT Cadre-ah Mizoram cadre hran a neih ve theih nan hma lak nise an ti.
Sawrkarin ruihhlo ngaite enkawlna tur home Serchhipa a din theih nan hma lak, Lamchhip kaltlanga Chhiahtlang to Hmuifang kawng blacktop a nih theih nan hma lak, Serchhip Kikawn to Lungpho kawng Jeepable Road chu tun aia changtlung zawka siam a nih theih nana hma lak, tih te a tel bawk.
Heng bakah hian YMA hmalakna tur chi – ramngaw, tuihna leh nungcha humhalh kawnga chak zawka hma lak, hma la tha te lawmman siam te a tel.
Rorel inkhawmah hian kum khat chhunga budget Rs. 1140800 pawm a ni a. Fa 10 nei R Siamkima New Serchhip te nupa bakah fa 7 ve ve neitu, Lalchhuansanga, Hriangtlang leh K Lalengkima Chhingchhip Venglai te chawimawina hlan an ni.
Sub Hqrs YMA Serchhip huamchhunga nikuma an member thi 270 an sun a, thi zinga 208 chu mipa an ni.
SubHqrs. YMA-in fa nei tam chawimawi
