Daily Newspaper

Sum hmuh tam aiin sawrkar a luangchhuak tawk lo – ZPM Thalai

6

Kawng hrang hrang sum lut tam ang aiin Mizoram sawrkarin Covid-19 dona kawnga mipuite tana a luanchhuahna a tam tawk lo an tih thu ZPM Thalai chuan an sawi.

ZPM Thalai Hqrs. thuchhuak chuan, Covid avanga Mizoramin harsatna a tawh mek laiin task force-te chu sawrkar leh mipuiten an rinrawl an nih thu leh, khawtlang himna tura an thawhna lamah task force volunteer tam tak chu an chhungkaw eizawnna pawhin a tawrh phah hial tih a sawi.

Hri do meknaah Mizoram sawrkarin sum a hmu tha tawk niin a hriat thu sawiin, ‘Ministry of Health & FW atangin Mizoram sawrkar hian nuai 1204.88 an dawn bakah NEC leh DONER-a project pathum an thehluh atangin cheng nuai 1996.26 hmuin, chuta tanga nuai 300 chu activities related to Covid-19 atana pek kan ni. DM&R hnuaiah Ministry of Home Affairs chuan SDRF allocation pangngai atangin 2019-2020 ah cheng nuai 700, 2020-2021 ah nuai 728 leh 29.9.2020 ah nuai 312-te hmu in, Ministry of Ayush atangin Rs. 1,00,00,000 hman phalsak kan nih bakah sawrkar laipui atanga Mizoram sawrkarin tanpuina a hmuh thin hlawm lian pahnih – Post Devolution Revenue Defecit Grand leh Share of Central Tax-ah beisei zat hmu-in, Share of Central Tax-ah phei chuan beisei zat aia tam sum an hmu hial a. Hri do lai hian Mizoram sawrkarin sum a hmuh hnem ang aiin Mizoram sawrkar hi a mite tan a luangchhuak tawk lo niin kan hria,’ a ti.

Lockdown rei tak kalpui a nih avanga mipuiin hatsatna an tawh nasat hle laiin, mipui nawlpui tana tanpuina liantham ruahmanna siam chuang loa tawngpawng lockdown leh ringawt thin lo a, ruahmanna tha zawk mamawhna a sang hle tih ZPM Thalai hian sawiin, ‘Eng ruahmanna dang nge sawrkar hian a neih tih hi kan zawhna a ni,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy