Daily Newspaper

Sumah Messi leh City inrem ?!

10

Sap chanchinbu pakhat Daily Record tarlan danin Barcelona atanga chhuah dil Lionel Messi leh Manchester City chuan a thuphungin sum lamah inremna an peih fel a, Nou Camp atanga a talchhuak thei a nih chuan hlawh inpek lamah Etihad club hian harsatna an nei dawn lo niin a lang.

Barcelona star hi sumfai bakah Premier League club hian City Football Group-ah chanpual (equity stake) pek ve an la tiam tel cheu a; an ruahman chhin dan chuan Messi hi Manchester-ah kumthum a khawsa tling zet ang a, chumi hnuah Major League Soccer lama an sangawizawnpui New York City FC lamah a insawnchhuak leh dawn a ni.

Argentine hi 2020-21 season atana Catalan club-in training an tan chhoh t^kah a la inlan ve duh lo a, chhuah dilna a thehluh hnuah chhuahna kawngka a zawng tak tak ta niin a lang a, he boruakah hian a team-mate Frenkie de Jong chuan Barcelona player-te awmkhawmna WhatsApp group-a an captain a la awm reng thu a sawichhuak.

Tarlan tawh thin angin, Messi chhuah dil thu khan football khawvel a barakhaih hneh kher mai a, a kalna tur awma sawirik zingah Inter Milan leh Paris Saint-Germain an tel laiin Manchester City chu Argentinian star lei thei tur hnaivai bera ngaih an ni m>k.

Barca leh Messi contract ziah hnuhnunber tuma contract hman zawh hm^a chhuah duh thuta khul chhuah theihna (release clause) an bilh telah Messi kawl duh tur tan euro maktaduai 700 (£624m/USD823m) phawrh a ngai dawn a, hei hi La Liga lam pawhin an thlawp thu an puang tawh a, Argentine leichhuah tumtute hian Nou Camp thuneitute an biak thiam dan azirin ‘release clause’ atana an bithliah tawh hi a la tlahniam thei thung ang.

Heti khawpa hruaichhuah hautak tur hi ni mah se Messi ber hian chhuah a beisei tak tak niin a lang a, tuntuma a khawsak dan hi chu hlawh pun ngiatna ang chi boruak kha niin a lang chiah lo a, free agent a nih hm^ ngeia thehthangna ngaihtuah mai chu La Liga club tan pawh a finthl^k tawh zawk mai thei!

He boruakah hian Dutch star De Jong chuan player-te in-kawmkhawmna group chat lama an captain la awm zui zel thu hi Fox Sports hrilhin, “Kan group chat lam pawh a la chhuahsan lo a, 2020-21 training tura ka kir hunah pawh club-a a la awm zui zel ka beisei,” a ti.

Midfielder De Jong hi nikum December thla khan Barcelona chuan euro maktaduai 75 (£65m/US dolla maktaduai 85)-in an lei a, Catalan team tan inelna hrang hrangah game 42 a khel tling tawh.

Tun dinhmunah De Jong hian Barcelona boss thar ni ta Ronald Koeman-a chhuahsan t^k Dutch national team lamah hun a hmang m>k a; an ram senior team tan match 15 khel tling tawhin, international career tawite a hman tawhah ram tan goal khat a thawh ve tawh bawk.

Interim boss Dwight Lodeweges-a hoin Netherlands hian tunkar UEFA Nations League match-ah Poland leh Italy an hmachhawn dawn a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy