Daily Newspaper

Sumdawnna lama NE tihhmasawnna tur sawi

31

ASSOCHAM (Associated Chambers of Commerce of India) buatsaih ‘Emerging North East – Smart Solutions’ chu Ningani khan neih niin, Mizoram deputy chief minister Tawnluia chu khualzahawm niin video conference kaltlangin thu a sawi.

Deputy CM chuan Mizoram chu Southeast Asia ram hnaia awm a nih avangin India tan state pawimawh ber zing ami a ni, tiin, Mizoramin tunhnaia hmasawnna tam tak a neih zingah NITI Aayog-in kum 2019 June-a Health Index a tihchhuahah India ramah a sang ber dawttu niin, tehna hrang hrang atanga state hrisel leh hnathawk thei tam tak awmna a ni tih a entir tih a sawi. Kum 2018-2019 inkara gross state domestic product (GSDP) chu 13.04%, 2018-2019 chhunga state per capita income chu Rs 1,68,626 niin, India ram per capita income chawhrual aiin a sang tih a sawi a ni.

NITI Aayog buatsaih Export Preparedness Index 2020-ah Mizoram chu 23-na niin, Department for Promotion of Industry & Internal Trade tarlan danin, Mizoram chuan foreign direct investment-ah 2000 April atanga 2019 March chhungin US dollar maktaduai 116 a chhunglut a ni, a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy