Supreme Court-in BJP MP zualkona stay

Supreme Court chuan BJP MP Sukanta Majumdar an a lakah ‘mawi lo taka che, nunrawnna lantir leh nunna atana pawi thei hliam tuarphahna thlen’ tia compalint Lok Sabha privileges Committee hnena a thehluha insawifiah tura West Bengal Chief Secretary leh officer dang te tihna chu kalpui chhunzawm rihlo tura tiin a stay sak.
Trinamool Congress leader Shajahan Sheikh leh a thawhpui ten hmeichhia an sawisa tia puhna Sandeshkhali luh luih an tumna lamah Majumdar chu party worker leh police te inbeihna karah hliam a tuar a ni.
Three-judge Bench Chief Justice of India D.Y. Chandrachud kaihhruai chuan Lok Sabha Secretariat hnenah hriattirna a pe zui nghal a. Stay order chu February 19 a Privileges Committee hmaa inlan tura tih Chief Secretary leh officer dang te tan chuan chanchin lawmawm tak a ni.
Officials te aiawha ding senior advocate Kapil Sibal leh A.M. Singhvi te chuan Privileges Committee in official te a koh theih ngawtna an jurisdiction ah zawhna an siam a.
Sibal chuan BJP MP chu parliamentarian a nih anga a hnathawh ni lovin ‘political activity’ a inhnamhnawih a ni zawk. Dan phalloha punkhawm khapna sorkar in Section 144 of the Code of Criminal Procedure hmanga a puan chu a bawhchhe zawk a ni. Police car bonnet ah chuangkaiin a party worker puiin a nam thla zawk a ni. Police te zawkin damdawi in an panpui zawk tiin Sibal chuan a sawi a, State sorkar chuan video evidence pawh an nei vek tiin a sawi bawk a.
“Privilege hi Member of Parliament a nih anga official duty a tihtur dan emaw tihbuai a nihin MP lakah kalpui theih chauh a ni a. A duty kaihhnawih ni lo thil dang a tihin MP in privilege a nei ngawt thei lo. House pawna MP political activity privilege hian a haum lo” tiin Sibal chuan a sawi bawk.
Singhvi pawhin ‘kawng engkima MP te laka privilege tih vek a nih chuan thil sual timahse man theihin an awm dawn lo’ tiin a saiw bawk a.
“Political activity hi ‘breach of privilege’ huamchhungah sengluh theih chi a ni lo. Thil theih a ni lo va, power of privilege hman sualna zawk a ni” tiin Sibal pawhin a sawi zui leh bawk a.
Lawyers te chuan summons chuan North 24 Parganas District Magistrate Sharad Kumar Dwivedi, Basirhat Superintendent Hossain Mehdi Rehman leh Additional Superintendent Partha Ghosh te pawh a huam tel tir vek an ti bawk.
Lok Sabha Secretariat aiawha ding senior advocate Devashish Bharuka chuan Lok Sabha Speaker chuan BJP MP atanga complaint a dawn avanga hmala a nih thu a sawi a.
“Vawiin hi Privileges Committee thutkhawm hmasak ber a ni a. Officials te tawngka in finfiahna a dil mai chauh a ni a, engahmah puh an la ni lo. Regular procedure mai a ni a, tumah tihnat pawh a nei lo” tiin Bharuka chuan a sawi a.
Mahse Supreme Court chuan Lok Sabha Secretariat aiawha ding senior advocate Devashish Bharukaan Privilege Committee notice stay lo tura a ngenna chu a hnawl sak a. Kar li hnuah ngaihtuah leh turin thutlukna a siam zui a ni.