College final year examnination chu kumin chhungin neih ngei ngei tur a ni a, mahse, states te chuan September 30 hnuah an duh a nih chuan exam sawn an dil thei ang, tiin Supreme Court chuan thutlukna a siam a.
“State ten final year examination nei lovin zirlaite an promote ngawt thei lo,” tiin court chuan a sawi a ni. A awmzia berah chuan zirlaite chuan final exam an nei dawn a, state-in a duh a nih chuan a sawn hla thei ang a, mahse, a thulh thiang lo.
Apex court-ah petition thahnem tak lutin Covid-19 avangin exam thulh mai ni se tih a ni a, chung zingah chuan Yuva Sena of Maharashra minister Aaditya Thackeray pawh a tel a. Ngenna an siamah zirlaite chuan zirna In khar avangin harsatna an tawk tih chhunalam a ni a. Zirlaite chuan semester nga an paltlang tawh Cumulative grade Point Average chu final exam nei lova teh nana hman mai ni se tia ngen a ni.
Mahse, Supreme Court chuan ‘internal assessment ringawt chu a tawk lo’ tiin a ngai hmiah thung.
University Grants Commission (UGC) chuan final tear college exam chu September 30 hmaa nei fel vek turin thupek a lo chhuah tawh a. Exam chu ‘zirlaite hmalam hun hum nan’ a tul tia sawiin exam lovin degree a pek theih loh a lo ti tawh a ni.
UGC chuan court hnenah exam tur chu ”thupek bur a nih loh thu sawiin mahse, state chuan exam lovin degree a pe thei lo, state chuan a duh chuan exam hun a sawn thei tiin a sawi a, Supreme Court-in a pawmpui a ni.
“State ten September 20 a exam an kalpui thei lo a nih chuan UGC hnenah an hrilh hre tur a ni,” tiin judges chuan a sawi a. Justices Ashok Bhushan, R Subhash Reddy leh MR Shah te chuan video conferencing hmangin thutlukna hi an siam a ni.
(THE AIZAWL POST – Ramchhung)
Full>> ePaper Subscribe
