Daily Newspaper

Supreme Court-in JEE/NEET exam kaltlangpui turin thutlukna siam

7

Supreme Court chuan a tum hnih nan engineering leh medical exams JEE (Joint Entrance Exam) leh NEET (National Eligibility cum Entrance Test) te coronavirus leng avanga thulh tura ngenna chu a hnawl leh a. Tun tum hian opposition rorelna states te chuan court hnenah zirlai nuai tel te him zawk nana sawn turin an ngen a ni.

Petition-ah merit a awm lo tiin Justice Ashok Bhushan, BR Gavai leh Krishna Murari te chuan an chamber a an ngaihtuah hnuah an sawi a. “A hmaa kan thutlukna siam dang lamna a awm lo” tiin court chuan a sawi.

Supreme Court hian August 17 khan states 11 atanga zirlai 11 tena an ngenna a lo hnawl tawh bawk a.

Maharashtra, Bengal, Punjab, Rajasthan, Jharkhand, Chhattisgarh leh Puducherry te chuan court chu a thutlukna siam tawh zirlaite hmakhua thlira ennawn leh turin an ngen ta a ni.

Heng states te hian Apex Court chuan zirlaite ‘right to life’ himna a pe lo tih leh Covid-19 pandemic laiin exam kalpuinaah harsatna nasa tak a awm an ti bawk. Hei vang hian exam chu a hun sawn ni se ‘thil tum pahnih zirlaite academic year hloh loh nan leh an hriselna leh himna ngaihtuah hlah si lovin’ tiin an ngen a ni.

JEE chu September 1 ah neih tan ni dawn tain September 6 thleng a awh ang a, NEET erawh September 13 neih a ni thung dawn a ni. State sorkar Apex Court-a exam hun sawn diltu zingah Bengal te ang chuan zirlai nuai tel ten an exam theih dawn loh thu an sawi a ni.

Supreme Court chuan a hmaa thupek a siamah medical leh engineering entrance exam-ah inrawlh a duh loh thu sawiin ‘nun a kal zel a ngai’ tih leh ‘zirlai ten pandemic avangin an kum hlu tak an hloh a rem lo’ a lo ti tawh bawk.

He thupek a siam hi tuna State-a zualko leh te hian ‘hmuh thiam har, kalpui theih loh’ tia sawiin review petition an siamah zirlai nuai telin exam tura registration an tihna ringawt chu central sorkar in tanchhana a hman ber niin physical exam an duh kher tih remtihna pekna a ni lo an ti ve thung.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy