Supreme Court Chief Justice D.Y. Chandrachud kaihhruaina hnuaia thubuai ngaihtuahtu Judge panga (5) awmna constitutional bench chuan 3:2-a hnehna changin India ramah neih inang te nupaa an insiam theihna chu India constitution dan kalh a nih thu leh Supreme Court inrawlhna tur a nih loh thu an sawi a ni.
Supreme Court chuan neih inang te inneih dan tur dan ruahman emaw an chungchang thu ngaihtuah chu Parliament mawhphurhna a nih thu a sawi nghal a.
Neih inang (LGBTIQA) te tana dan mumal tak siam beiseitute chuan anmahni ang hi mi tamtak India ramah an awm thu leh Supreme Court rorelna chu anmahni hmakhaw ngai zawnga thutlukna siam a nih ngei an beisei thu an sawi a.
Hetih lai hian neih inang inkawp remti lo lamte chuan Supreme Court rorelnain neih inangte dan hnuaia inneih a phal sak erawh chuan kan ni tin khawsak hona a tih chhiat theih thu an tlangaupui ve bawk.
Hemi chungchanga thu thehluttu leh LGBTIQA tana tlangautu Harish Iyer chuan Supreme Court rorelna chu neih inang te duhsak zawngin ni lo mah se Court chuan neih inangte dinhmun leh hmakhua chu kawng tamtakin a thlirsak reng thu a sawi a.
CJI Chandrachud chuan, neih inangte dinhmun chungchangah hian supreme court judge-te ngaihdan inang lo awm mek hian engtia rei nge a awh dawn sawi theih a ni lo, tiin a sawi a ni.
Supreme Court-in neih inangte chungah thuneihna nei lo ti
