Daily Newspaper

Supreme Court-in Pegasus case ngaihtuah

12

Supreme Court chuan Pegasus spyware hmanga inenthlaka inpuhna chungchangah ‘thudik lailan a ni tur a ni’ tiin a sawi.

Supreme Court chuan inenthlaa inpuhna chu a dik a nih chuan a tha lo takzet tia sawiin Pegasus hmanga inenthlaknaa inpuhna chhuichiang tura ngenna a ngaihthlak hnuah a sawi.

August 10-ah ngaihtuah nawn leh tura tia sawiin Bench chuan ngaihtuah lehnaah sorkar aiawh an tel tawh tur a ti bawk a. “Sorkar aiawhin tu emaw a inlan tur a ni” tiin Chief Justice Ramana chuan a sawi bawk.

Chief Justice N.V. Ramana leh Justice Suyrya Kant Bech chuan Editors Guild of India leh senior journalists N. Ram leh Sashi Kumar midang pathum te bakah Rajya Sabha Member John Brittas te chu an petition copy Attorney General of India leh Solicitor General te hnenah thehlut turin a ti bawk.

Hearing neihah Bench atanga zawhnain bul tan a ni a. A hmasa berah Chief Justice chuan petitioner tam ber te chuan an report thehluhah foreign newspaper an behchhan tiin a sawi a. Court chuan court-in Pegasus chungchang chhui chian tur a tih theihna tur material finfiah theih dang an nei em tiin a zawt a.

“Petitions te hi khual thuthang a innghat kan ti lo va, material a awm lo kan ti hek lo. International meterial leh resource in neih ang hisap hi hei aia kimchang zawk nei thei tur in ni” tiin Chef Justice Ramana chuan a sawi a.

Pahnihnaah chuan inenthlak chungchang hi kum 2019 khan sawi lan a ni tawh a, information kimchang zawk hriat tuma hmalak a nih leh nih loh ka hre lo, tiin CJI chuan a sawi a “Tunah ’ti nge in zualko chauh? Kum hnih chhung khan eng nge in tih?” tiin zawhna a siam bawk.

Pathumnaah Pegasus hmanga enthlakte chuan eng vangin nge criminal action a awm nana hma an lak loh a ti bawk a. “I phone hack a ni tih i hriat te chuan eng vangin nge criminal complaint i siam loh?” tiin zawhna a siam bawk.

‘Foreign newspaper report chauh ni lo material finfiah na dang’ tia Apex Court zawhna chhangin senior advocate senior journalist N. Ram leh Sashi Kumar te aiawha ding chuan California court chuan Pegasus spyware chu ‘sorkar agency te hnenah chauh leitir a ni’ tiin a sawi a. US court chuan NSO tena ‘sovereign immunity’ an dilna pawh a hnawl a ni tiin a chhang.

Sibal chuan July-a Lok Sabha a Minsiter in Indian mite mobile phone a Pegasus surveillance awm chungchanga sawifiahna a siam chu behchhanah a hmang a. “He thilah hian buaina tur a awm lo…hei hi Minister thusawi a ni” tiin a chhang bawk a.

Kum 2019 a sawi lan hmasak a nih lai ni lo kum 2021 daiha dan kalha phone hack chungchang court hnena an thlen chauh chungchangah Brittas aiawha ding senior advocate Meenakshi Arora chuan November 2019 ah he issue hi sawi lan a ni ngei tawh a ti a. “Minister-in dan kalha inenthlakna a awm lo” tiin a sawi a ni tiin Arora chuan a chhang bawk.

Senior advocate C.U. Singh, Editors Guild aiawha ding chuan heng Pegasus hmanga enthlakte hming hi July 2021 ah chauh lailan a ni tiin a chhang bawk.

CJI zawhna pathumna eng vangin nge a tuartute chuan mimala court an pan mai loh a tih chu senior advocate Shyam Divan chuan hei hi mimal anga enthlakna chauh a ni lo a ti a. “He inenthlakna hi a liantham em em a. Level sang bera independent fact-finding body tena an chhuifiah ngai a ni” tiin a chhang thung.

Senior advocate Arvind Datar, journalist panga te aiawha ding pawhin he spyware hmanga thlurbingte hi an tam tham em avangin court-in hma a lak a ngai tiin a sawi bawk.

“Pegasus hi rogue technology a ni a. Dan kalh dik tak a ni a. Kan hriat miah lovin kan phone-ah lutin kan nun a khawih a ni. A ngaithlaa, a en a, kan chetdan tin a enthla vek a. Kan Republic constitutional values privacy te mimal zahawmna te a tichhe vek a ni. Chumai bakah kan national Internet backbone a tichhia a, national security tana hlauhawm a ni. Khawngaihin sorkar hnenah hriattirna pe la. Sorkar lo tel ve in engtiangin nge Pegasus in India a luh dan sawifiah rawh se. He inenthlakna hi an hria a nih chuan eng vangin nge an kalpui sorkarin sawifiah rawh se. Case pawh an register lo va. Eng vangin nge Government of India hi a ngawih?” tiin Sibal chuan a sawi bawk.

Pegasus hmanga mobile phone enthlak nan $55,000 a ngai tia sawiin Sibal chuan, “NSO group ten an technology chu firfiak leh misual te beihnan an ti a. Chuti chu heng journalist te hi firfiak vek an ni maw” tiin zawhna a siam bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy