Daily Newspaper

Sushant Singh Rajput case: Mumbai police ten a chawchhum leh a farnu thu an zawt nawn leh dawn

29

Bollywood actor Sushant Singh Rajput chu a thih atanga thla khat a liam hnuah pawh an lo chhui ta zel a, Mumbai Police te chuan he thihna chungchangah hian mi 34 chuang thu an zawtfiah tawh a, tunah chuan a chawchhum Neeraj leh a farnu te chu a vawi hnih nan thu an zawt fiah leh dawn a ni.

Sushant Singh Rajput hi June ni 14 khan a chenna inah inawkhluma hmuh a ni a, police ten midang kut tuara thi a nih theihna awm an hmu lo tih an puan hnuah pawh Sushant Singh Rajput thiantha leh a fan-te chuan CBI chhui an ngiat zui ta zel a ni.

Neeraj hi Sushant Singh damlai hmu hnuhnung bertu a ni a, police ten a thih chhan an chhuina kal zelah hian hritbelh duh an nei a, chung zingah chuan June ni 11 leh June ni 14 inkara Sushant Singh chet vel dan, a thil tih zawng zawng, eng nge a ei tih leh a nitin hun hman dan te kimchang taka hriat an dun a ni. Neeraj hi a hmain police ten darkar 6 zet thu an lo zawt fiah tawh nghe nghe a ni.

Sushant Singh-a farnu Mitu pawh thu zawh nawn leh tur zingah a tel a, thla thum liamtaa an unau inbiakna kimchanga hriat an duh a, Rhea Chakborty leh Sushant Singht te inkar hriatchian lehzual an duh bawk a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy