Swachhata Hi Seva 2024 fortnight neih mekah office leh zirna in hrang hrangah faina hnatlang neih a ni a. Directorate of Sports & Youth Services-a officer leh staff-te chuan Zirtawpni khan an office compound samfai leh office tifaiin an hnatlang.
Hantlang tan hmaa inkhawmah SYS director H Lalhmingthanga chuan sawrkar laipuiin faina a ngaihpawimawh angin Mizoram sawrkar pawhin faina leh thianghlimna a ngaipawimawh a. Mimal, chhungkua, khawtlang, ram leh office-ah faina ngaihpawimawh a, inzirtir uar sauh sauh a tul tih a sawi.
Sports & YS officers leh staff hnatlangte hian an office ram chhunga hnim samfaiin, office chhung leh building an tifai a ni.
District Education Office Siaha bultumin Zirtawpni vek khan Siaha-ah faina kawngzawh neih a ni a, school thlan bik 7 zirlaite an tel. Govt HSS Siaha, Govt High School New Siaha, Govt Vaihpi HS, ECM HS, Don Bosco HS, Govt Middle School New Siaha leh Govt Beaulah Middle School New Siaha a zirlaite leh kalkhawm dangten GHSS Complex New Siaha atangin District Playground Siaha Vaihpi thleng kawng zawhin kawnga bawlhhlawh awmte an chharkhawm a ni.
Swachhata Hi Seva kalpui zel
