Daily Newspaper

SWD Minister-in AAAA&LS Award sem

10

Social Welfare Minister Dr. K.Beichhua chuan Poshan Abhiyaan hnuaia Aganwadi Worker, Aganwadi Helper, ASHA, ANM/Health Worker (AAAA) & Lady Supervisor/CO (LS) Award chu video conferencing kaltlangin nimin khan a office atangin a sem.

He Award semna hi DPO, CDPO, CO leh Awardees zawng zawng a hmuna tel thei lo ten Zoom video conferencing app hmangin an chhim a, Aizawl Urban leh Tlangnuam ICDS Project hnuaia Awardees te chuan a hmunah award hi an dawng nghal thung.

Minister chuan award dawngtute a lawmpui thu sawiin, thawktute thawh rah a lang chhuak mek a, nau piang sangkhat zela thi (IMR) pawh 5 chauh a ni thei ta leh India ram pumah thi tlem ber pahnihna kan ni thei ta te hi department hnuaia thawktute thawhrimna leh tanrualna rah chho zel a ni, a ti.

Minister chuan Poshan Abhiyaan chu department pakhat hmalakna avanga hlawhtling a ni mai lo va, line department hrang hrang te abikin health department te nena thawhhona a ropui hle a ni, a ti. Ministry of Women and Child Department hian Grassroot a thawk te hi a ngai pawimawhin mimal award siam lova team award Ministry lamin ruahmanna an rawn siam pawh hi a inhmeh hle a ni, tiin a sawi bawk.

Best Team Award dawngte- Aibawk, Darlawn, Phullen, Thingsulthliah, Champhai, Khawbung, Khawlzawl, Ngopa, Bilkhawthlir, Thingdawl, Reiek, W.Phaileng, Zawlnuam, E.Lungdar, Serchhip, Bunghmun, Hnahthial, Lunglei, Lungsen, S.Bungtlang, Chawngte, Lawngtlai, Sangau, Siaha, Tuipang, Tlangnuam, Aizawl Urban an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy