Daily Newspaper

Swedish ten hmeichhe PM hmasa ber nei zawk

26

Swedish hmeichhe prime minister hmasa ber chu prime minster dinhmun a chelh hnu darkar khat lekah a bang zui nghal.

Magdalena Andersson chu Nilaini khan leader atana ruat a ni a, mahse, a coalition partner tena an chhuahsan vang leh a sorkarin budget an pass theih loh avangin a bang zui a ni.

Parliament chuan opposition tena budget an siam zawk chu an pass ta a, chung zingah chuan anti-immigrant far right te pawh a tel a ni.

“Speaker hnenah ka ban duhthu ka hrilh a ni,” tiin Anderson chuan a sawi a. A coaltion partner Greens Party te chuan ‘far-right te nena budget siam kan pawm thei lo’ an ti a ni.

Andersson chuan single party government leader angin prime minister a la nih theih ngei a beisei thu a sawi thung a.

“Party pakhat an inhnuhdawh chuan coalition sorkar chu a inhnukdawk mai tur a ni tih constitutional practice a awm a ni,” tiin Social Democrat leader chuan a sawi a. “Sorkar a legitimacy a zawhna awm kaihhruaitu nih ka duh lo,” tiin a sawi bawk.

Parliament speaker chuan thil kal zel dan turah party leader-te a rawn hmasak tur thu a sawi zui bawk.

Andersson hi Nilaini khan prime minster atan Swedish law hmangin thlan a ni a, a mamawh zawng chu MP tam zawk ten amah hnawl zawnga vote an pek loh mai chauh a ni a.

Swedish hmeichhia tena vote an neihna kum 100 a chuan hnuah a tum khat nan kum 54-a upa Andersson chu hmeichhia zinga prime minister dinhmun chelh hmasa ber tura thlan niin parliament (Riksdag) a MP te chuan standing ovation an pe nghe nghe a ni.

Riksdag member 349 zingah amah duh lo 174-in vote an thlak a, 117 ten thlawp thungin, mi 57 an hai thung a, vote khatin chakna a chang a ni.

Uppsala university city junior swimming champion hlui hian kum 1996 khan Prime Minister Goran Perssin political adviser niin bul a tan a, tun hnai kum sarih chhungin finance minister dinhmun a chelh bawk.

Magdalena Anderssoin prime minster atana thlan a nih hma hian Sweden chu Nordic state zinga hmeichhe PM nei lo awm chhun an ni reng a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy