Daily Newspaper

Sydney-a chengte ni thum inkhung turin ti

9

Australian states leh territories chuan nimin atang khan Covid-19 kai thar Sydney northern beaches-ah 28 lai hmuhchhuah a nih avangin ramri an khar zui nghal.

“Sydney-a mitin te fimkhur takin awm a ngai,” tiin New South Wales (NSW) state Premier Gladys Berejiklian chuan a sawi.

Health authorityte chuan Sydney area pawnah virus inkai darh a awm mai theih thu an sawi a, Sydney hi Australia-a mihring chen tamna ber niin khawi atangin nge virus chu inkaichhawn a nih an la hre thei lo a ni.

Hei vang hian new South Wales State thuneitute chuan Sydney-a virus hmuhna chhehvel mihring maktaduai khat dawn awmna te chu ni thum chhung pawna chhuak lova inkhung turin an ti zui nghal a ni.

“Kan buaina ber chu inkaichhawnna bul kan hre thei lo va, inkaichhawn darh thei tur kan dang chat em kan hre thei lo,” tiin NSW Ched Health Officer Kerry Chant chuan a sawi.

Thuneitute chuan a tira inkaichhawnna chu Avalon beach a club pahnihah niin an ngai a, mahse, inkaichhawn theihna hi hmun 30 vel nitheiah ngai zuiin chung zingah chuan bank leh post office bakah supermarket leh pharmacies te pawh an tel a, heng hmun tlawhtute chu fimkhur turin thuchhuah an siam nghal a ni.

Sydney-a inkaichhawnna vela Hospital-ah chuan test ti turin mipui tam tak darkar tam fe an in line zui nghal a ni.

Northern beach a public facility tin te swimming pool leh playground te pawh khar zui nghal vek niin kum upa te enkawlna hmun tlawh khap zui nghal a ni bawk a. Km 29 laia sei beach te chu thawhtanni thlenga khar zui tur a ni bawk.

A chhehvela restaurant te Christmas trade lian tham buaipui mek te chuan order a nawlpuia cancel an tawn nghal thu an sawi a. Ramri khar hian Krismas travel plan tibuaiin mi sang tam tak te a tibuai zui mek bawk.

Mi tam tak te chu Sydney airport-ah pungkhawm ngalin ramri khar hmaa chhuahsan tum an ni a, NSW chhuahsan khualzin te chu state dang an luh pawhin ni 14 quarantine zui nghal tur an ni bawk.

Queensland state leh Northern Territory te chuan northern beach a kal te chu ni 14 quarantine vek tur ti nghalin Western Australia state te pawhin NSW atanga an state lutte chu quarantine vek turin an ti nghal bawk.

Australia-a mihring tamna ber pahnihna chuan NSW atanga khualzin te chuan Victoria lut turin phalna an lak a ngaih thu an sawi bawk.

Australia hian kar hnih chhung tualchhung inkaichhawn miah lovin hun a hmang tawh a, hei vang hian state leh territoty te chuan social distancing dan khauh tak an kalpoui te an thlah dul tawh a ni.

Australia chuan economic recovery siam tuma hma la mekin Virgin Australia leh Qantas Airways te pawh thlawh tir an tumna chu tuna inkaichhawn hmuh a nih leh tak avangin thulh zui a nih rin a ni bawk.

Australian Prime Minister Scott Morrison chuan, “A hma pawhin hlawhtling takin kan thunun tawh a, tunah pawh kan thunun leh ngei ang. Pandemic tibo thei magic formula kan la nei lo” tiin a sawi.

Pandemic a len tirh atangin Australia-ah hri kai 28,000 awm tawhin nunna chan 908 an awm tawh bawk a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy