Daily Newspaper

Sydney khawpuiah hripui kai pung zual zel

18

Sydney-a hripui inkaichhawn chak lutuk chu ‘national emergency’ a ni tawh tiin State leader-te chuan an sawi a. Australia khawpui lian berah hian hripui kai an pung zel a ni.

Thla khat chuang lockdown a ni tawh chungin Delta variant leng mek chu tihtawp a ni thei chuang lo va. New South Wales state chuan Canberra chu vaccine tam zawk thawn lut turin a ngen bawk.

National emergency puan ni se chuan Sydney-in harsatna a tawh mekah federal government thuk zawkin a inrawlh thei dawn a ni.

“Hripui thunun turin ram angin mawhphurhna kan nei a ni” tiin New South Wales premier Gladys Berejiklian chuan a sawi a, “Hripui kai number hi a dik zawngin a kal tlat lo” tiin a sawi bawk.

Zirtawpni khan Sydney ah hripui kai thar 136 hmuhchhuah belh niin tihian 1,782 lai an awm tawh a ni.

Australia hmun tinah hripui a leng darh tawh anga ngaih niin mipui maktaduai 25 chuangte chu lockdown-in an awm mek bawk a. Berekjilian chuan sorkar chuan vaccine pek runpui a thlurbing a ngai tiin a sawi bawk.

Australia mipui 12% te chauh in vaccine an la la a, hei hi Pfizer tena an supply tam theih loh vang leh mipui nawlpui tena AstraZeneca vaccine a rinhlelhna an neih nasat vang a ni.

Prime Minister Scott Morrison chuan vaccine pekchhuah muan vanga ngaihdam dilna siamin, “Vaccination programme-ah hian mawhphurhna ka la a ni. Harsatna kan tawhah pawh mawhphurhna ka la a ni” tia sawiin, “A then hi chu kan thunun theih a ni a, a thente erawh kan tihtheih phak bak a awm bawk” tiin a sawi.

New South Wales premier Gladys Berejiklian chuan tun ang renga hripui kai an pung a nih chuan October thla thlengin inkhuah khirhna kalpui a ngaih theih hial tur thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy