Synod Hospital-a eng tha
zawk pek theih dan enpui
Power & Electricity minister F Rodingliana chuan Zirtawpni zing khan Synod Hospital Durtlang a tlawh a. A thawktute nen inkawmin an harsatna a enpui.
Synod Hospital Durtlang hi Durtlang South 11kV feeder atanga power pek a ni a. Hei hian Aizawl Theological College thlengin a chawm chho. Power a hmuh that loh chhan lian pakhat chu, Leitan leh a chhehvel thli tleh nasa lutuk thin vang niin, 11kV bare conductor hrui a len chhiat leh a suk nasat lutuk vang tih sawi a ni.
Hemi pumpelhna atan hian aerial bunching cable (ABC) thlung tura hma lak a ni a. Minister hian department hotute hnenah thla khat chhunga charge turin a hrilh. Hei hian Hospital leh helai chhehvel harsatna tam tak a phuhruk thei dawn tih sawi a ni.
Hei bakah hian dedicated feeder siam tumin department a inbuatsaih mek a. Hospital lam inhuam dan azirin anmahni chauh chawmtu tur dedicated feeder neih dan ruahmanna a siampui. Anmahni chawmtu tur solar power plant man loa estimate siamsak an inhuam tih sawi a ni.
Hospital thang zel turah power mamawh, projected load growth zirchiang tur engineer tirh a nih tur thu a sawi bawk.
Synod Hospital-a eng tha zawk pek theih dan enpui
