Mizoram Synod hruaitute chuan Inrinni zan atang khan lirnghing tuarte thlamuan turin Presbyterian kohhran 28 awmna Tuipuiral Presbytery huam chhunga Pastor Bial panga an fang.
Synod-in khuarel chhiatna avanga in leh lo chhiate a tanpuina thin danin, in chhe vek luah tlak lohah Rs 10000 zel, siamthat ngai khi nasa zualah Rs 8000 zel an pe.
Khawbung leh Farkawn-ah chuan VLTF te’n khawtlang aurinna hmanga Synod hruaitute rawngbawlna tur remchang an lo siam a ni.
Synod hruaitute hi hi hmun li-ah an in\hen a: Synod Moderator Rev R Lalchanglian leh Rev H Remthanga te’n Khawbung bial an fang a. Secretary (Jr) Upa Lalrinmuana leh Rev H Lalrinmawia te’n Vaphai leh Farkawn Pastor Bial, Executive Secretary Rev B Sangthanga leh Rev R. Lalhmingthanga te’n Khuangleng Pastor Bial, Executive Secretary Rev K Lalrinmawia leh Rev Dr. H. Vanlalauva te’n Vanzau Pastor Bial an fang.
