Romania-ah chuan plastic bottle hman tawh hnu hmangin t-shirt lian zet mai an thui a, he t-shirt hi Guinness World Record chuan khawvela t-shirt lian berah a puang. He t-shirt hi Rugby pitch tiat zet a lian niin, meter 108.96 (feet 357.48) a seim meter 73.48 (feet 241.08) a hlai a ni.
He t-shirt lian hi Asociatia 11even, Kaufland Romania leh Federatia Romania tang kawpin an siam a ni a, recycling chungchanga mipuiin awareness an neih that lehzual theih nana an tih niin an sawi.
He t-shirt hi May ni 27 khan Bucharest, Romania-ah an kaipharh ta a, Guinness chuan khawvela t-shirt lian berah an puang. He t-shirt siam nan hian plastic bur hman hnu 5,00,000 chuang an hmang a, a kawr thui nan hian a thla tel teh meuh an hmang bawk.
A design hi Romania national flag ang deuh a ni a, tricolour kawnghren, Romanian rugby team official jersey-ah pawh an hman thin ang a ni. He t-shirt hi Arcul de Triumf National Rugby Stadium-ah mipui en theih turin an kai phah duai mai a, a kai pharh tur ringawt pawhin volunteer 120 chuangin an buaipui a ngai a ni.
He t-shirt hi nakinah kawr pangngai 10,000 chuang siam nan an hmang leh dawn a, chu chu naupang chanhai zawk te hnenah an sem leh dawn a ni.
T-shirt lian ber an siam
![](https://theaizawlpost.org/wp-content/uploads/2023/05/t-shirts.jpg)