T20 World Cup century
siam thei naupang ber Yuvraj
India leh Sri Lanka inthlentawm T20 World Cup khelh mek Group D match pakhata Canada leh New Zealand inkhelah nimin khan history thar siam a ni a, Canada rawlthar kum 19 mi Yuvraj Samra chu T20 World Cup bika hundred hlap chhuak thei naupang ber thar a ni.
Chennai khaw inkhelah hian Samra chuan six vawi ruk hlapin, tum 11 ngawt four a hlap bawk a, Dilpreet Bajwa nena an opening partnership-ah run 116 puitlinin, hei pawh hi T20 World Cup-ah tho associate team-in full member laka run an siam hnem ber record thar a ni nghal bawk.
Hlauh nei lo Yuvraj Samra hian run 110 a siam tlin hmangin T20 World Cup history-a century siam thei batter naupang ber nihna a hlawhchhuak.
T20 World Cup century siam thei naupang ber Yuvraj
