Taima, ti tak tak peih kan ngaihthah loang – ZPM leader

Eizawnna kawngah ZPM chu a duhtui dawn a, an sawrkar chuan mi taima leh ti tak tak peihte an ngaihthah dawn lo tih ZPM leader Lalduhoma chuan a sawi.
ZPM Southern Hqrs Lungleiin sengkhawm beihpui a thlak kalzelah Lunglei North bial huamchhung Thiltlang leh Pangzawlah vantlang inkhawm neih a hmanpuinaah Lalduhoma chuan eizawnna kawngah an duhtui dawn tih sawiin, “Ran vulh, thlai chin leh a dangte ah sawrkarin hma a la zel dawn. Mi taima leh ti tak tak peihte chu sawrkarin a ngaihthah dawn lo. Sawrkar kalta khan thlai chi hrang hrang min chintir ve bawk thin mah se, kan dinchhuah pui ngai lo. ZPM sawrkar tharah chuan a rate hresa vek chunga thlai in chintir a ni ang,” a ti.
Tuna Zoram thupui leh titipui ber chu ZPM a ni ta deuh ber a, kar kalta chhung ringawta mithar an lawmluh pawh a tam tham hle niin ZPM hruaitu hian a sawi. ZPM chu thawhrim rah seng tur an nih avangin an thatchhe ve tur a ni loa, party dang aiin an taima tur a ni, tiin a sawi.