Taiwan president thar William Lai chuan China chu a vau rengna titawp tura hrilhin leh Taiwan democracy ram a nihna chu pawm mai turin a ti bawk.
Beijing chu inbakaih aia inbiakna kalpui turin a ti zui bawk. Chu mai bakah China vauna leh tihthaihna karah Taiwan chu a tlawm dawn chuang lo a ti bawk.
Lai hi China-in a huat em em niin ‘inlakhran tuma hel’ tia a puh a ni a. Tun hnaiah China chuan Taiwan nasa zawkin a hual mek zel bawk.
China chuan Taiwan airspace leh tuipui ram chinte chu a pel chamchi a, chuvang chuan buaina nasa zawk a chhuah hlauhna a lian hle. China chet dan chu Lai chuan ‘khawvel remna leh ngelnghehna atana thil hlauhawm ber’ tiin a sawi.
Lai hi doctor atanga politician-a inlet niin January thla khan presidential race ah a chak ber a, Democratic Progressive Party (DPP) te chuan a zawnin term thum thuneihna an chang bawk. Kum 2020 atang khan Tsai vice-president ni tawh niin tunah a president ta a ni.
A la that lai deuh chuan radical politician niin langsar taka Taiwanese independence aupuitu niin chuvang chuan Beijing chuan hrefiah hlein ‘buaina siamtu’ tiin a ko nghe nghe a.
Chinese sorkar chuan Lai an lakluh a niha a thusawi chhanletna a la siam lo chungin UK a Chinese embassy chuan UK sorkar chu Lai chu pawm lo turin an ngen thung a.
Lai lakluh a nih hnu lawkah China Commerce Ministry chuan US company-te Taiwan hnena ralthuam hralhtu nia a sawi te lakah hrekna a kalpui zui nghal bawk.
Mahse tun hnaiah erawh Lai chuan Taiwan dinhmun ni mek status quo chu thlak danglam tumna a nei lo tiin a sawi a. Taiwan hian diplomatic status neiin constitution leh sovereign sorkar nei mahse ram anga recognised loh a ni thung a. Chu tak chu China chuan US leh ram dang te chuan thlakdanglam an tum tiin a puh thung.
Remna leh ngelnghehna a thlan thu sawiin Lai chuan taiwan strait hawn leh a duh thu sawiin tichuan Chinese tourist group te pawhin Taiwan an tlawh thei ang a ti a. Mahse, Taiwan chuan mahni invenna turin a defence chu a thuam tha zel dawn a ti thung.
Chu tak chu a thlak tak tsai policy chhunzawmna zel a ni dawn thung. tsai khan defence thuam that leh thawhpui pawimawh US leh Japan te nena inzawmna tihngheh chu China-in a run thutna lak atana pawimawhah a ngai a ni.
Tsai hnuaiah Taiwan-in defence lama a sum sen chu $20 billion lawihin tihpun a ni a, Lai chuan chu aia tam chu dah a la tum thung. Taiwan chuan battle tank thar a lei a, F-16 thuam thain a thar a lei bawk a, missile ship thar a lei bawk a.
Nikum khan Taiwan chuan submarine hlawhtling takin a siamchhuak tawh bawk.
Taiwan president Laia’n China hlau lem lo
