Daily Newspaper

Taliban, US leh EU ten Doha-ah inbiakna an nei

48

Taliban te leh United States-European Union te chu a tum khat nan hmaichhanah Qatar khawpui Doha-ah inbiakna an nei a. European Union chuan Afghanistan tanpui nan $1.2 billion thawh an tum thu an sawi bawk.

Harline Islamist Taliban te chuan an sorkar chu ram dang tena an pawm an ngiat bakah humanitarian disaster a thlen loh nan tanpuina an ngen bawk.

United Nations chief Antonio Guterres chuan khawvel ram te chu khawkhengin a tihbuai mek ni bawk Afghanistan chu tanpui turin a ngen a, chutihrualin Taliban te chu Afghan hmeichhia leh hmeichhe naupangte lakah an thutiam an tihhlawhtlin loh avangin a sawisel na hle bawk.

European Commission President Ursula von der Leyen chuan EU chuan Afghanistan-ah humanitarian leh socio-economic chhiatrupna a thlen loh nan 1.2 billion dollar an pek tur thu a sawi a.

Heng sumte hi Afghhan-a international organisation awm mek te hnenah an pek tur thu a sawi a, Taliban sorkar chu EU in a la pawm loh avangin Taliban sorkar hnenah erawh tanpuina an pe dawn lo tiin a sawi bawk.

“Afghan thuneitute nena inzawmna kan neih turah thudelhkilh kan siamah kan chiang em em a, chung zingah chuan human rights humhim pawh a tel,” tiin Ursula chuana sawi a, “Mahse, Taliban te chetlak dan vangin Afghan mipui ten an tuar tur a ni lo,” tiin a sawi bawk.

Thlasik a hnaih tawh avangin leh khawvel ram hrang hrang ten tanpuina an tihtawp vek avangin Afghanistan economy chu tlu chhe mai thei dinhmunah a ding mek a ni.

EU ram te chu Afghan asylum dil tena an bloc luh an tum mai hlauin an fimkhur hle a, kum 2015 a Syrian tam tak ten an ram an chhuahsana Europe an pankhawm ang kha a thlen an duh lo a ni.

Brussel chhut dan chuan Afghanistan sum hmanga puiha tanpuina pek chuan Europe-a raltlan nasa tur a dang thei turah an ngai a ni.

Doha-a inbiakna neih hi Qatar huaihawt niin Taliban tena political office an neihna hmun a ni bawk a.

“Taliban te nena inbiakna neih hi tunah chuan pawimawh ber a ni” tiin Qatar foreign minister special envoy Mutlaq Al-Qahtani chuan a sawi a. “Tuna pawimawh hmasa chu humanitarian dinhmun niin hei bakah hian zirna leh Afghanistan chhuahsan duh tena zalen taka an chhuahsan theihna a ni,” tiin a sawi.

E.U. spokesperson Nabila Massrali chuan Taliban te nena inbiakna chuan US leh European tena ngaihmawh an neih chinfel theihna a thlen dawn tia sawiin chung zingah chuan women’s right leh firfiak tena hmunpuia an neih phal loh te pawh a tel.

Taliban sorkar chu khawvel khawi ram mahin an la pawm lo va, hei mai bakah hian Taliban te chuan ram chhungah Islamic State-Khorasan (IS-K) te tun hnaia ualau taka chetla te a hmachhawn a ngai bawk.

“Khawvel ram dangte nena inzawmna neih kan duh a, inzawmna inbuk tawk tak chuan Afghanistan ngelnghetin a siam thei a ni,” tiin Taliban’s acting foreign minister Amir Khan Muttaqi chuan a sawi a.

UN chief Guterres chuan Taliban tena hmeichhiate laka an rilru puthmang chu a duh loh thu sawiin an thutiamah an ding lo a ti bawk a.

Taliban-te chuan mipate chu secondary school an kal remti tawhin hmeichhiate erawh ina awm turin an ti thung a, hmeichhe zirtirtu te pawh school an kal remtih a ni lo bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy