Laura Massey-Pugh leh Steven Massey te nupa chuan, thirsakawr mipahnih chuan theihna (tandem bike) hmangin ni 179 leh darkar 12 leh minute 25 chhungin khawvel an helchhuak (circumnavigate) hman a, tandem bike hmanga khawvel helchhuak (circumnavigate) rang thei ber record an siam.
An nupa hian Guinness World Record-ah UK cyclist Cat Dixon leh Raz Marsden ten 2020 a tandem bike hmanga khawvel hel chhuak rang ber record an siam an hmuh hnuhah record khum tumin an bei ve ta a ni.
Record siam tuma an fehchhuah chhung hian Laura leh Stevie te hian ram hrang hrang 21 Germany, Czechia, Austria, Slovakia, Hungary, Romania, Bulgaria, Türkiye, Georgia, India, Thailand, Malaysia, Singapore, Australia, New Zealand, Canada, Portugal, Spain, France, Belgium leh Holland an paltlang hman a, charity atan pound 12,000 an tuak ngah thei bawk.
Laura leh Stevie te hi 2015 khan Derby-a beer festival-ah intawngin, 2018-ah an innei ta a ni. Record an siam hma hian Laura hi cycling event hrang hrangah telin, Stevie hian a support tha thin hle a, an pahnih hian thirsakawr hmanga thui tak tak tlan nuamti chi ve ve an ni bawk.
Tandem bike a khawvel hel chhuak rang ber
