Sawrkar laipui scheme – Pradhan Mantri Jan Vikas Karyakram (PMJVK) chungchanga hriat tur tul chu District Council & Minority Affairs (DC&MA) minister C Lalsawivunga hoin Zirtawpni khan a kaihhnawih department hrang hrang aiawhte nen sawi ho a ni.
DC&MA department-in a enkawl mek PMJVK chu sawrkar laipuia Ministry of Minority Affairs hnuai ami, mipui hmasawnna leh changkanna atana scheme duan a ni tih minister hian a sawi a. Ram hmasawnnana scheme tangkai tak, central funding a nihna ang takin theih ang tawka hmang tangkai theuh turin department ho hi a sawm.
He scheme hi department-ten an mamawhna leh chaklohna lai hnawhkhah theihna tur, gap- filling scheme a nih theih nan tan la lehzual tura fuihin, chumi tihlawhtling tur chuan department tin inkarah inpumkhatna leh thawhhona tha a awm a pawimawh tih a sawi.
Thutkhawmah hian PMJVKY chu a tangkaina tur ang taka hman chhuah a nih theih nan leh department hrang hrangte inkara thawhhona tha zawk a awm theih nan inhrilhhriata sawi ho a ni a. Sawrkar department 23 aiawh, district DC tin aiawh, Autonomous District Council pathum aiawh leh Central YMA aiawhte an tel a ni
Tangkai zawka PMJVK hman dan rel
