Daily Newspaper

Tangruala NEP kalpui turin PM Modi-an sawmna siam

11

National Education Policy (NEP) chuan zir aiah thiamna thlubingin critical thinking neih nan curriculum piahah a kal a ni, tiin Prime Minister Narendra Modi chuan a sawi a, tangruala policy fuh taka kalpui a nih theih nan sawmna a siam bawk.

Kum 1986 hnu lama NEP hmasa berah hian zirlai tena stream thlanbik nei tura harsatna an neih thinte nuaibo a ni tawh dawn tia sawiin Modi chuan, “Kan thalai ten an tuina lam an zir thei tawh dawn a ni” tiin ‘Governors’ conference on the Role of NEP in Transforming Higher Education’ hawnna thusawina a neihah a sawi.

A hma chuan zirlai ten an tuina lam ni lo stream thlangin a hnu feah an hrefiah chauh zel a, chu harsatna chu NEP hi chuan a chingfel dawn a ni, tiin Modi chuan a sawi bawk a.

Naupang te nih lai atangin vocational exposure pek ni tawh dawnin chu chu thalai ten nun tha zawk an neih theih nan a pawimawh thu a sawi bawk a, global market bakah India rama chhawrtlak an nih theihna turah practical learning an nei sang tawh dawn tiin a sawi bawk.

Prime Minister chuan education policy chu defence leh foreign policy ang niin sorkar ai mahin ram policy a ni zawk a ti bawk.

India chu hmanlai ata tawh zirna hmunpui a nih thu sawiin sorkar pawhin 21st century a knowledge hub a nih theih nan hma a la tiin a sawi bawk.

Prime Minister chuan New Education Policy chuan India ramah internatinal institution tena campus an din theih nan kawng a hawn thu a sawi bawk.

NEP hian kum 34 kaltaa 1986-a National Policy on Education chu a thlak dawn ta a. India rama school leh education system te chu a thlak danglam dawn ta a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy