Tanpuia Painting Exhibition nei
Artist Tanpuia chuan a Solo Painting Exhibition vawi 13-na chu Thawhtanni khan Aizawl Art Gallery, MUP Building Upper Khatla-ah a buatsaih a, I&PR director K Vanlalsangi’n a hawng.
Art chu kan hnam nun leh khawtlang nun entirna pawimawh tak a ni tih I&PR director hian sawiin, Pu Tanpuia chu Mizoram pawna solo painting exhibition buatsaih thei awmchhun a ni, tiin, chhuanawm a tih thu a sawi.
Tanpuia hian kum 1999 atangin solo exhibition vawi engemawzat a nei tawh a, Aizawl bakah Bangalore leh Kolkata-ah pawh a buatsaih tawh. A hnathawh hi group show leh workshop hrang hrangah pholan niin, a painting hi Mizoram chhung leh ram pawn thlengin collection-ah dah an ni bawk.
Exhibition hi May 4-9 chhungin chawhma dar 10.00 atanga tlai dar 5.30 thleng tlawh theiha hawn a ni. He programme hi I&PR department leh Mizoram Art Development Society bultum a ni.
Tanpuia Painting Exhibition nei
