Daily Newspaper

Task force kal fawr zualte hrilhhriat leh tum

10

Covid 19 dona chungchanga hmalatu Hnahthial District Task Force chu Thawhtanni khan an chairman, district bawrhsap ni bawk Vanlalmawia kaihhruaiin an thukhawm a, hmalak tawhna hrang hrang thlirin hmalak chhunzawm zel dan turah ruahmanna an siam a. Sawrkar ruahmanna ang ni loa mahni duhdana kal task force-te hrilhhriat leh an rel.

District bawrhsap chuan Covid-19 do kawngah sum a hautak viau laiin, Hnahthial district chu leiba awm lutuk loin an la inenkawl chho thei tih a sawi. “Ei leh bar kan mamawh reng angin hmasawnna hnathawktu turte lo indan a, thawh phal loh ngawt hi a rem tawh lo a ni” a ti. Covid vaccine peih a nih veleh a tul anga pechhuak tura sawrkar a inpuahchah mek thu a sawi bawk.

Member secretary Dr Lalrengpuii Ralte leh medical nodal officer Dr R Lalsanglura te report danin, Hnahthial district-ah Covid-19 kai hmuhchhuah mi 15 awm tawhin enkawl dam vek an ni tawh. Mi 957-te swab sample endik tawh niin, chu’ngte chu RT-PCR ah mi 248, RAgT-ah 276 leh TrueNat-ah 433 te an ni. Hnahthial district chhunga khunghran tawh zawng zawng hi mi 663 niin, 630 chu an hun hmang zoin chhuahtir an ni a, mi 33 khunghran an la awm.

Thutkhawmah hian Hnahthial district chhunga khaw thenkhat chu sawrkar ruahmanna zawm loa mahni duhdana kal thin an awm tih sawi a ni a, heng khuaa task force hruaitute chu sawrkar ruahmanna zawm tura hrilhhriat thar nise an ti. Tun dinhmunah Hnahthial district chu Covid-19 kai awmlohna a nih avangin lawmawm an tih thu an sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy