Mizoram Legislative Assembly hnuaia Subject Committee–III in Finance department (Taxation) chungchanga an first report chu Nilaini khan House-ah an chairman Jeje Lalpekhlua’n a pharh.
Subject Committee-III hi Committee dang zingah tun Assembly 9-naah hian tum 12 an thu tawh a, spot visit vawikhat leh departmental discussion, department pathum lakah tum 5 a lo neihpui tawh a. Subject Committee-III Report pharh tak hi Finance department (Taxation) kaihhnawihah hian Committee-in ngun taka a ngaihtuah hnuin rawtna hrang hrang a siam a ni.
Kan rama chhiah khawn chungchanga tlakhniamna, chhiah khawn tur tam tak hloh avanga mipuiin kan tawrh phah theihna, Taxation Commissionerate thawmthat a tulna leh Committee-in a ngaihpawimawh hrang hrang tarlan a ni.
Committee-in rawtna a siam zinga an ngaihpawimawh pakhat chu, Bakijai/ certificate officers kuta pending case Rs. 70,61,22,970 awm thu leh, hei hi department pawhin lo chhinchhiah deuh a pawimawh thu a tarlang a, a vaiin rawtna 13 an siam.
The Mizoram Public Demand Recovery Act hnuaia rules-ah, mipuiin Bakijai hmalakna an hriatchian lehzual theihnan House-ah annual report lay tura provision siam, Taxation department thawm chak a tul thu leh rel station-a Taxation Centre din, GST danin a phut anga service sector hrang hranga dan anga chhiah khawn tura hma lak tura rawtna a awm a ni.
Subject Committee-III ah hian member 6 – Dr K Beichhua, Lalchhuanthanga, W Chhuanawma, Lt Col Clement Lalhmingthanga, R Rohmingliana leh Baryl Vanneihsangi an awm a ni.
Taxation kaihhnawihah rawtna 13
