Taxi lam chi Banah Kai dawn lo
Khawpuia service passenger phur – taxi leh autorickshaw lam chu Bana Kaih Scheme-in a huam tel ve dawn lo.
Mizoram State Policy Coordination Committee (MSPCC) chu an vice chairman, adviser to chief minister (Implementation of Handholding Scheme) Dr KC Lalmalsawmzauva kaihhruaiin Nilaini khan an thukhawm a. Bana Kaih Scheme kel mekah department thenkhat hnuaia dilna lut an thlirho.
Lirthei lei chungchanga dilna lut sawihoin, taxi (two wheeler, four wheeler leh autorickshaw) atana dilna chu Handholding Scheme-in a huam tel lo tih sawi a ni a. Commercial passenger vehicle dangah chuan a diltu ngei hminga State Transport Authority (STA) permit/ licence nei tawh tan scheme hian a huam thei dawn tih sawi a ni.
CM Special Package dilna Chief Minister’s Office-a thehluh tura ruahman chu mipui remchan zawkna atan mahni district bawrhsap pisa hnenah dilna thehluh thei tawh tura rel a ni.
Bana Kaih Scheme inkaihhruaina bu Mizo tawnga lehlin chu thlirho niin an pawm a. Scheme publicity chungchang sawiho nioin, ruahmanna chhawpchhuah chu pawm a ni bawk.
Taxi lam chi Banah Kai dawn lo
