Taylor Swift chu Billboard Artist 100 chart-ah a No.1 a, he chart-a a No.1 tawh zawng zawng belhkhawm chu kar 63 a tling ta a, Billboard Artist 100 chart-a No.1 ni ngun ber a nihna a sawh nghet sauh sauh e.
Billboard Artist 100 chart hi kar khat chhunga US-a zaithiam lar dan tehna a ni a, chart ranking siam nan hian album leh hla hralh tam dan te, radio airplay leh streaming te chu tehna pawimaw a ni a, hei hi zaithiamte lar dan teh nana rintlakah ngaih a ni.
Taylor Swift hian a hla hit ‘Anti-Hero’ leh ‘Lavender Haze’ bakah a album ‘Midnights’ hralh that zar a la zo a, heng hla pahnih te hi ‘Midnights’ album atanga a single ve ve niin, ‘Anti-Hero’ hi Hot 100 chart-ah No.3 a la ni a, ‘Lavender Haze’ hi No.30 a ni bawk. A album ‘Midnights’ pawh hi kar khat chhunga copy 67,000 hralh lehin Billboard 200 (albums) chart-ah No.2 a la ni pha bawk.
Chart-ah hian HARDY chu No.7-ah a rawn lang ve leh a, he chart-a a tawn san ber a la ni a, ani pawhin a album thar ‘Mockingbird & The Crow’ hralh that zar a zo a, kar khatah copy 55,000 hralhin Billboard 200-ah No.4 a kai a, a album chart-a top 10 kai thei hmasa ber a ni bawk.