Daily Newspaper

Taylor Swift a lar ber Billboard 200, Hot 100 leh Artist 100-ah a No.1

14

Taylor Swift chuan Billboard Artist 100 chart-a No.1 ni ngun ber a nihna sawh nghetin, he chart-ah hian a No.1 leh ta a, tihian Billboard Artist 100 chart-a a No.1 tawh zawng zawng belhkhawm chu kar 38 a tling tawh.

Billboard Artist 100 chart hi kar khat chhunga US-a zaithiam lardan tehna a ni a, US-a an album leh hla hralh tam dan te, streaming leh radio-a an zaitir nasat dan bakah social media fan interaction te chu chart ranking siam nana tehna pawimawh a ni a, he chart hi 2014 atanga an kalpui tan chauh a ni thung.

Taylor Swift hian a tum riat nan Billboard 200, Hot 100 leh Artist 100 chart No.1-ah te a rualin a No.1 vek a, hetiang ti thei hi a zaithiam pariat chiah an la awm a, Drake (vawi 14), Adele (vawi 6), Ariana Grande (vawi 2), Ed Sheeran (vawi 2), The Weeknd (vawi 2), Camila Cabello (vawi 1) leh Kendrick Lamar (vawi 1) te an ni. Taylor Swift hi a album thar Folklore chu Billboard 200 chart No.1-ah a debut a, he album-a a hla ‘Cardigan’ chu Hot 100 chart No.1-ah a debut bawk. Floklore album-a a hla 16 te chu Hot 100 chart-ah an lang pha vek a, chung zinga pathum chu top 10-ah an lang nghe nghe a ni.

Logic chu No.2 a kai thar ve leh a, ani pawh hi a album thar ‘No Pressure’ chu Billboard 200 chart No.2-ah a debut a, hei hian Artist 100 chart-ah pawh a vawrh kang. Ani hi March 2018 khan he chart-ah hian tum khat a lo No.1 ve tawh a ni.

Billboard Artist 100 Top 10:
1 Taylor Swift
2 Logic
3 Juice WRLD
4 Pop Smoke
5 Harry Styles
6 Lil Baby
7 Post Malone
8 DaBaby
9 Luke Combs
10 The Weeknd

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy