Taylor Swift concert-in lirnghing tenau a siam!

Taylor Swift concert-in lirnghing tenau a siam!
Taylor Swift Eras Tour zet chuan a pui thei miah miah hle a, tunlai hian US state hrang hrang a hrut kual mek a, Seattle-a weekend kaltaa show a neihah phei chuan an thawm a ringin mipui an tam bawk a ni ang, lirnghing tenau an thlen a ni ber mai a, lirnghing nat zawng tehna seismic magnitude scale-ah pawh 2.3 a tling pha hial a ni.
Seattle Eras Tour thawmin lirnghing tenau a siam thu hi Western Washington University-a geology professor Jackie Caplan-Auerbach hriatchhuah a ni a, ani hian “Swift-quake” tiin a sawi mai a, magnitude scale-ah 2.3 a tling niin a teh a ni.
Caplan-Auerbach chuan, “Taylor Swift tan darkar 10 vel data ka lakhawm a, music, speaker leh a beat zawng zawng leh mipui pungkhawm thawm nen. Chung zawng zawng chuan lei a nghawng nghing a ni,” a ti.
Taylor Swift hian Seattle-a show a neih zawh takah chuan Eras Tour-a US state hrang hrang a tawlh chhuak titih tawh a, state khat chiah a hmabak tawh a, Sofi Stadium, Inglewood-ah show vawi ruk a nei leh ang a, chumi hnuah chuan Latin America, Europe, Asia leh Australia-ah te Eras Tour hi a chhunzawm leh dawn a ni.