Daily Newspaper

Taylor Swift-i’n album thar ‘Floklore’ a tlangzarh A music video thar ‘Cardigan’ a tichhuak bawk

13

Taylor Swift chuan sawi lawk em em pawh awm lovin a album thar ‘Folklore’ an tlangzarh thut. He album hi July ni 24 zanlai dar 12-ah a tichhuak a, a tlangzarh hma ni khat chiah a awm tawh tihah album thar tlangzarh tur hi a puang thut a ni. Hetihrual hian he album-a a hla ‘Cardigan’ music video pawh a tichhuak nghal bawk.

Swift chuan, “Tun nipui chhunga ka tih tur ruahman zawng zawng deuhthaw chu a puitling ta lo vek mai a, mahse, ka ruahman lawk ni hauh si lo, lo thleng ve leh tlat si a awm,” tiin a Instagram-ah a album chhuak tur hi a puang a, “Chu chu ka studio album pariatna, folklore a ni e,” a ti.

Swift chuan he album tharah hian a inleihbaw takzet niin a puang a, album atan puitute pawh puangin, “Heng hla te hi inkhung hrang chunga phuah leh record te a ni a, ka musical herote ka thawhpui thei bawk,” a ti.

Swift chuan, “Kumin kan chuankai hma khan he music tlangzarh nana hun tha ber hi a awm ang tih ka ngaihtuah pha teuh lo, mahse, kan hun tawng ka thlir hian engmah hi a chiang lo zo tawh. I nuan tih zawng tak i tipuitling a nih chuan eng vangin nge khawvel tana i chhawp chhuah mai loh ang tiin ka ngaihtuah ta a ni,” a ti.

Swift hian a album mai bakah a music video thar ‘Cardigan’ pawh a tichhuak thut a, he hla hi ama phuah a nih bakah a video pawh ama direct a ni a, Jil Hardin produce a ni a, Rebecca Skinner, AD Joe Osbourne, Chancler Haynes, David Lebensfled leh Grant Miller ten an pui bawk.

Swift chuan, “Shooting neih chhungin midical lam endiktu an awm reng a, kan zavaiin mask kan vuah reng a, kan inawm hlat vek bawk, ka sam, makeup leh styling pawh keimah ngeiin ka ti vek a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy