Taylor Swift album thar ‘The Tortured Poets Department’ (TTPD) chu an tlangzarh atanga kar hnih chhungin US-ah maktaduai 2 a hralh tling der tawh. Hei hi album tak tak hralhna (streaming atanga album hralhna tlukpui leh album-a hla mal hralhna atanga album tlukpui te tel loin) niin, hetah hi chuan digital download albums leh physical album- CD, cassette tape leh vinyl LP te hralhna chauh lak a ni. Taylor Swift hian US-a copy maktaduai 2 chin hralh thei album 11 a nei tling ta a ni.
He album hi an tlangzarh kar khatnaah album tak tak hralh zat chu maktaduai 1.914 a tling nghal a, a kar hnihnaah 1,07,000 hralh lehin, tihian kar hnih chhungin maktaduai 2.021 an ralh tling ta a, hei hi tun kar hnih chhunga US-a album hrang hrang hralh zawng zawng atanga 8.4% a tling.
2015-a Adele album ‘25’ kha kar hnih chhungin US-ah maktaduai 4.49 an hralh hman a (a kar khatnaah maktaduai 3.378 leh a kar hnihnaah maktaduai 1.112), chumi hnua kar hnih chhunga US-a album maktaduai 2 chin hralh leh theih hmasak ber chu Taylor Swift ‘TTPD’ hi a ni.
Taylor Swift ‘TTPD’ US-ah 2M chuang hralh tawh
