Central YMA leh Mizoram Chemists & Druggist Association (MCDA) buatsaihin Inrinni khan Tawngtai Bethel Camping Center (TBCC) Sakawrtuichhuna enkawl mekte tan medical health camp neih a ni.
Medical health camp-ah hian doctor 11, Mizoram Synod hnuaia missionary nurse thawk mek medical refresher course training lai 10, Aizawl Hospital atangin opthalmic assistant 3 ten tlawmngaiin damlote an en a. MCDA hian damlote eitur damdawi cheng nuai 5 man hu an tumsak a ni.
Tunah hian TBCC-ah hian mi 1211 – hmeichhia 142, mipa 973 leh thawktu mi 3 an awm mek a ni.
Thudawn danin tunhnai khan TBCC-a dahluh mi pakhat, heroin ti thin chu dahluh a nih tukah a thi a, a taksa chak loh vang nia hriat a ni. Tuna a awm mekte hriselna dinhmun hi endik zui a ni ta nia ngaih a ni.
TBCC-a awmte hriselna ensak
