Daily Newspaper

TEACHERS’ DAY

13

Hruaia Kawlni,
Salem veng, Aizawl

September Ni 5 hi Teachers’ Day a lo ni leh ta reng mai. Ziak leh chhiar min zirtir a, finna hnar min kawhhmuhtu leh mihring nunphung dik min hrilh thintu, kan thiam loh leh kan hriat ve loh hlau a, kawla ni chhuak chhiara min zirtir thintu kan Zirtirtute chawimawiin awm rawh se.

Kum zabi 20-na atang khan ram tam takin hetianga Zirtirtute Ni bik siama anmahni chawimawina hun hman hi an lo intihhmuh chho tan a. Khawvel ram tam zawk chuan October ni 5 hi an hmang uar hle. Kum tir lama hmang te, kum laihawla hmang te pawh ram tam tak an awm. A ni hrim hrimah hian Ni 5-na emaw a tawp 5 awmna hrim hrim (entirnan October ni 15) an uar hle bawk. October thlaa hmang ram hi an tam ber hial awm e. Kan thenawm ram hnaivai leh kan leido thin, thenawm fel nia kan chhiar lem loh thin pahnih China leh Pakistan te hian September ni 10 (China) leh October ni 5(Pakistan) ah an hmang thin a.

Kei ni India ram hi chuan kan hriat theuh angin September Ni 5, kan ram President 2-na, mi lehkhathiam chungchuang Acedemic Philosopher an tih mai Dr. Sarvepalli Radhakrishnan piancham (5 September 1888), denchhenin kan hmang thin a nih hi. Kum 1958 atang khan kum tin teachers’ Day-ah hian National Award for Teachers lawmman chu India ram President-in zirtirtu thawk tha te hnenah a hlan thin a. Mizoram atang pawhin thahnem takin an dawng tawh nghe nghe. Mizo zingah chuan F.Zatawna Lunglei Lunglawnin kum 1978-a National Award for teachers a dawn kha a hmasa ber a ni maithei.

Kumin erawh hripui vangin “Zirtirtute Ni” hi kum dang angin a hman theih dawn loh a. Mahni awmhmunah theuh social media kaltlang talin zirtirtute zahna chibai kan buk mai aniang chu.

(THE AIZAWL POST – Article)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy