Yamaha Teens Rock 2026’ a champion Neuhof School Band chu Nilaini khan LESDE minister Lalnghinglova Hmar chuan lawmpuina hun a buatsaih a, thilpek a hlan. Yamaha Teens Rock hi India ram pum huapa kum 18 chin hnuailam rimawia an inelna lian a ni.
“Mizo tleirawlte in hlawhtlinna a ropui kan ti a, Mizo mipui kan lawm a, kan lawmpui takzet che u,” minister hian a ti a. India huap inelnaa pakhatna nih chu a awlsam loa, inelna hrim hrimah hlawhtlinna chang tur chuan theihtawp chhuah a ngai thin tih a sawi.
Yamaha Teens Rock 2026 kharna, grand finale hi October 4 khan Prestige Centre for Performing Arts Bengaluru-ah neih a ni a. He inelnaa tel tur hian India ram hmun hrang hrang atang inziaklut 680 chuang an awm. India ram hmun hrang hrangah zone-a inel niin, Neuhof School Band hi Northeast Zone-ah pakhatna an ni a, grand finale-a tel tur hian round paltlang tur hi online leh offline audition engemawzat a awm a ni.
Neuhof School Band member-te : Sylvia C Lalmuankimi – class VIII, Elnathan Vanlalnunzira – class VIII, Lalchhanchhuaha – class VIII, Robert Vanlaldina – class VIII, Lalthlamuani Pachuau – class IX, Grace Vannunmawii – class IX.
Teens Rock-a thiam ber lawmpui
